GMN TV Politika PR husu autorizasaun ba PN renova EE da-XVI

PR husu autorizasaun ba PN renova EE da-XVI

0 views

Prezidente Repúblika (PR), Francisco Guterres Lú Olo, husu autorizasaun ba Parlamentu Nasionál (PN) ba renovasaun Estadu Emerjénsia (EE) ba da-XVI ho durasaun loron 30 tan, hafoin rona opiniaun husi Konsellu Superior Defeza no Seguransa (KSDS) no Konsellu Estadu (KE).

Ho nune’e KSDS ho KE hala’o sorumutu ho Xefe Estadu, Francisco Guterres Lú Olo, hodi fó sira ninia opiniaun kona-ba pedidu husi Governu ba estensaun EE, no orgaun konsultivu rua ne’e rekomenda ba Xefe Estadu atu husu autorizasaun estensaun EE ba PN .

 “Konsellu Superior Defeza no Seguransa ho mós Konsellu Estadu sira rekomenda ba Prezidente kona-ba pedidu governu ni’an atu hato’o ba parlamentu nasionál no depois PN hodi diskuti atu deside estende ou la’e, la estende estadu de emerjénsia ne’e mak ohin diskuti ohin konsellu rua no ora-oras tan no kleur liu aban dadersan sei haruka ba PN karta ne’ebé mak governu hato’o ba prezidente repúblika atu husu estensaun ba  EE”, afirma Xefe Casa Sívil, Francisco Maria de Vas Concelhos, hafoin reuniaun KSDS ho KE ho Xefe Estadu, iha Palásiu Prezidensiál, Bairo-Pite, Segunda (26/07/2021).

Governu liu-hosi Konsellu Ministru (KM) aprova pedidu estensaun Estadu Emerjénsia dala XVI iha kuarta (21/07) no husu Xefe Estadu atu estende ba fulan ida tan, no iha segunda ne’e prezidente deside reuniaun ho orgaun konsultivu hodi rona sira ninia hanoin antes haruka pedidu ne’e ba PN hodi diskuti no autoriza molok Xefe Estadu dekreta.

Governu husu aman ba nasaun ne'e atu estende tan estadu emerjénsia ba dala 16, tanba haree ba coronavírus no variante delta ne'ebé dadaun ne'e alastra ona iha nasaun viziñu Indonézia, Austrália no Timor-Leste rejista ona ema na'in 4, ne'ebé deklara husi Ministra Saúde, Odete Maria Freitas Belo, iha loron 23 fulan Jullu tinan ne’e.

Tuir dadus ne'ebé GMN asesu husi Sentru Integradu Jestaun Krise (SIJK) hatudu, kazu kumulativu 10.348, kazu rekuperadu 9.627, kazu atuál baixa 695, no mate 26. Ina 

 


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker