GMN TV Politika Silvestre Sufa sai prezidente interinu PUDD

Silvestre Sufa sai prezidente interinu PUDD

0 views

Partidu Unidade Dezenvolvimentu Demokrátiku (PUDD) liuhosi enkontru alargada Sábadu (10/07/2021) ne’e, deklara ofisialmente Eis Sekretáriu Jerál Partidu PUDD, Silvestre Xavier Sufa Efi, nu’udar Prezidente Interinu to’o deside Prezidente foun iha kongresu nasionál PUDD tinan 2022.

Atuál Prezidente interinu, Silvestre Xavier Sufa Efi, hateten, mudansa temporáriu ba estrutura PUDD ne’e akontese, tanba durante ne’e atuál deputadu PUDD, António de Sá Benevides abandona nia funsaun hanesan Prezidente Partidu.

Silvestre mós kestiona, Deputadu António de Sá la hatama karta subsituisaun ba bankada, durante halo tratamentu saúde iha Indonézia, Ho aktu hosi deputadu PUDD ne’e  implika PUDD lakon direitu votu no opiniaun ba diskusaun lei importante sira iha Parlamentu Nasionál.

“ Renovasaun estrutura ohin ne’e tanba, ita estrutura no militantes tomak 13 munisípiu sira haree katak desde eleisaun antesipada remata, Prezidente ba ona deputadu, partidu laiha funsaun, funsaun la la’o, ita hatene katak partidu polítiku ne’e iha servisu rua, servisu atividades diáriu no regular,

Servisu díariu tenke ativu hanesan babain, lor-loron, hanesan organiza konsilidasaun, ajustamentu estrutura iha baze no buat seluk-seluk, atividades ida seasional ne’e mak hala’o tinan ida dala ida,

Ita partidu hotu tenke prepara an para hasoru kampaña eleisaun jerál mai, durante tinan 3 estrutura PUDD ne’e vakum, laiha estrutura, mesmu iha tanba Prezidente mak auzensia no nunka mai iha sede partidu to’o agora.” justifika Silvestre Xavier Sufa Efi

Nune’e mós Komisáriu polítika nasionál, Filipe de Jesus Pires lori estrutura tomak nia naran,hato’o deskulpa ba militante tomak partidu PUDD nian, tanba abandona kadeira iha Parlamentu Nasionál, kuaze durante fulan ida liu.

“ Ohin deklara sai ba publika konaba ausiensia PUDD husi plenaria parlamanto nacional durante fulan ida

balun laiha autorizasaun ba subtituisaun husi Deputado Antonio de sa Benvides.

 Ho razaun ida ne'e Komiosariu estrutura politika PUDD hakarak deklara katak Durante deputadu PUDD Sr. Antonio Benevides moras nia lahatama pedidu substituisaun temporaria ba Bankada PUDD nian, no iha dia 4 de Junho 2021 Sr.

Deputado aranka ba Indonesia hodi halo tratamentu saúde mós nia lahusik hela karta substituisaun temporaria ruma ba Bankada hodi priense hela Bankada ne’ebé mamuk.

Wainhira situasaun iha bankada mamuk bebeik, militante no simpatizante PUDD sira ijíze mai estrutura nasionál atu halo substituisaun temporaria ba Bankada mamuk, ho razaun ida ne'e iha dia 17 Junho 2021 estrutura nacional PUDD halo audiensia ho Presidente Parlamento Nacional (PPN) hodi husu informasaun konaba oinsa PUDD bele priense Bankada ne’ebé mak mamuk.

lha audénsia ne'e PPN sujere mai PUDD atu kontaktu Sr. Deputadu para bele haruka karta ida mai partidu PUDD hodi bele halo substituisaun. Depois remata audiensia ho PPN, Sekretariu Jerál PUDD Kompatriota José de Carvalho Ximenes Monteiro "Fera Leolako" diretamente komunika ho Sr. Deputado promote atu enkamina karta autorizasaun substituisaun temporaria maibe too ate data nia laharuka karta autorizasaun mai hodi halo subtituisaun.

Tuir informasaun mai husi Parlamento Nasionál katak tuir lolos deputadu Antonio Benevides wainhira hatama karta tratamentu ba liur ne'e tenki hatama kedas ho karta substituisaun temporaria maibe deputadu Antonio Benevides lahalo ida ne'e. Sr. Antonio hanoin katak Bankada ne'e hanesan kadeira unipesoal ninian ne’ebé nia tauk atu ema hadau husi nia.

Tamba hahalok Sr. Antonio Benevides nian la autoriza atu halo substituisaun no husik kadeira Bankada mamuk durante fulan ida ho balu (1.5) ona no labele partisipa iha diskusaun lei importante sira inklui mos asuntu nasionál sira.

Tanba ne'e mak estrutura nasionál hato’o deskulpa barak ba militante no mós povu Timor-Leste tomak. ”Filipe De Jesus Pires

Relasiona ho kestaun ne’e, GMN tenta kontaktu atu konfirma ho xefe bankada PUDD, António de Sá Benevides , maibe polítiku ne’e la atende kontaktu.

Deputadu PUDD ne’e ba halo tratamentu iha Indonésia, hahu iha loron 4 fulan Juñu tinan 2021 ne’e.Say


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker