GMN TV Politika UMDP deside apoia Xanana iha eleisaun prezidensiál

UMDP deside apoia Xanana iha eleisaun prezidensiál

0 views

Unidade Movimentu Demokrátiku Patriota (UMDP) ne’ebé kompostu hosi grupu no asosiasaun hamutuk hitu, halibur malu hodi deklara ofisialmente apoia líder karismátiku Kay Rala Xanana Gusmão ba Prezidente Repúblika iha eleisaun tinan 2022, no UMDP mos sei apoia Xanana Gusmão, nia desizaun saida deit kuandu indika fali kandidatu seluk hodi konkore iha eleisaun prezidensiál mai ne’e.

Portavoz UMDP, João Travolta,  liuhosi konferénsia ba imprensa iha Balide, Sesta (9/7/2021), afirma, UMDP hakarak apoia Xanana ba túr fali nu’udar Prezidente Repúblika iha tinan lima mai, tanba movimentu ne’e observa, úniku líder Karismátiku ne’e mak bele hatúr loloos buat hotu tuir nia fatin.

“Movimentu ne’e movimentu ida ne’ebé mak halibur hosi komponente hotu-hotu, laiha ligasaun partidária, movimentu ne’e hakarak konsolida nia forsa de’it, hodi apoiu ba maun bo’ot Xanana, maske nune’e ami mós konta ho forsa partidu polítiku sira ne’ebé rejista. Maibe ne’e pozisaun movimentu, kestaun aban bainrua em termus de konstituisaun ami nian liga ho partidu balun, karik partidu mós hanoin hanesan ho movimentu. Kona-bá Vise Primeira Ministra (Armanda Berta ne’ebé kandidata-an ona) ne’e desizaun ema ida-idak nian ne’ebé KRDTL garante, ami laiha komentáriu ba ida ne’e, mas tenke bazeia mós ba regras legais ne’ebé mak vigór iha TL. Se no caso iha lei ruma ne’ebé mak hateten, se nia asume kargu públiku ruma, enkuantu nia kandidata- an ona tenke rezigna an, ita tenke kumpri ida ne’e atu mantein garantia imparsialidade iha kandidatura ema ida nian. Se nia kandidata ona, nia deklara publikamente ona, ha’u hanoin nia tenke husi nia kargu ruma, tanba kargu públiku ne’e tenke iha nia imparsialidade iha ka’er ukun.

Movimentu nia ezisténsia ne’e hakarak apoiu fali de’it maun Xanana, hodi hatúr fali Sistema pernegaraan, sistem berpemerintahan, tanba movimentu nia haree, mais ou menus iha tinan 4 ida ikus ne’e, ita konfuzaun oituan ho ita nia sistema ne’ebé mak hatúr, ita hakat sai ona hosi prinsípiu estadu direitu demokrátiku ne’e.

Ami hakarak fó apoiu inkondisional ba maun Xanana para hodi hatúr fali buat sira ne’e iha nia fatin, ami la haree to’o apakah nia kandidatura ne’e tuir lei ka la’e, ami hakarak fó de’it ami nia apoiu inkondisional ba nia, tanba di’ak tomak nia hatudu ona iha esperiénsia sira ne’ebé liu ona, kuandu nia lidera luta”,afirma João Travolta.

Nune’e mós portavoz movimentu,  Carolino de Oliveira husu Maun bo’ot Kay Rala Xanana Gusmão atu kandidata-an ba Prezidente Repúblika iha períodu tinan 2022.

Portavoz movimentu ne’e mós deklara, bainhira Kay Rala Xanana Gusmão la kandidata-an iha eleisaun tinan 2022, movimentu refere sei kontinua apoia kandidatu ne’ebé indika hosi Xanana Gusmão bainhira priense kritéria.

“Konsidera katak, hosi kedas 2018 to’o ohin loron 2021, ita moris de’it iha inserteza polítiku, iha ámbitu sosio-ekonómiku, kultural ne’ebé konsekuensia hosi impase ida ne’ebé naruk, ida ne’ebé remata ho violasaun prinsípiu Estadu Direitu Demokrátiku ho la respeita valores demokrásia nian. Konsekuensia hosi hahalok ida ne’e, hamosu efeitu negative ba vida moris sidadaun hotu-hotu, maibe fiar katak ita realiza duni eleisaun Prezidensial iha 2022, no hein katak bele iha rezultadu hosi eleisaun ne’e, sei kontribui no tau hikas orden demokrátiku no hamosu tradisaun foun luta ba poder mak ami UMDP propoin ba Maun Bo’ot Kay Rala Xanana Gusmão, nu’udar Prezidente partidu CNRT, husu atu kandidata-an iha eleisaun prezidénsial. Karik maun bo’ot Xanana la kandidata-an, maka forsas ne’ebé halibur iha ne’e, sei apoiu kandidatu seluk bainhira priense kritérius hanesan, karik eleitu ba PR, konfigura maioria PN eleisaun foun ba meza PN, propoin atu hili PM foun hodi forma nono Governu Konstitusional. Karik mak la konsege re-konfigurasaun maioria PN, no eleisaun meza PN maka Prezidente eleitu sei konvoka forsas polítiku ne’ebé ho asentu iha PN, hodi diskute ba eleisaun antesipada ne’ebé sei bele realiza iha fulan Agostu 2022, ne’ebé hatudu katak laiha ida manan no laiha ida lakon”,reforsa Carolino de Oliveira.

Unidade Movimentu Demokrátiku Patriota ne’e kompostu hosi grupu 7 mak hanesan, Asosiasaun Kombatente Brigada Negra, Movimentu Akadémiku Pro-Konstituisaun, Lidér Juventude Estudantil Patriótika, Movimentu Brigada Xanana, Síklus Revolusionáriu Nasionál, Movimentu Kamponezes Timor-Leste, Movimentu Nasionál Juventude Progresista.Say


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker