GMN TV Politika UMDP husu PN retira proposta lei enkuadramentu OJF

UMDP husu PN retira proposta lei enkuadramentu OJF

3 views

Unidade Movimentu Demokrátiku no Patriotiku (UMDP) ezije Parlamentu Nasionál (PN) atu retira proposta lei Enkuadramentu Orsamentál Jestaun Finanseira (OJF) husi debate, tanba lei ne’e sei fó impaktu ladi’ak ba setór sosiál no entidade relevante sira.

Porta-Voz Lívia Antónia Maria Guterres, hateten, lei númeru 09/2013, kona-ba Orsamentu Jestaun Finanseira la’o hela, maibé to’o agora seidauk iha estudu kle’an ida atu komprova katak, lei ne’e la adekuadu ba evolusaun sistema finanseira.

Nia akresenta, proposta lei ne’e mos iha lakuna barak tebes, husi aspeitu lojístika formal, materiál, bem komún nomos la kumpri norma sira iha artigu 46, Konstituisaun RDTL, númeru 1 nian.

Proposta lei ne’e mos viola prinsípiu barak liga ho lei jestaun finanseira nian, hanesan empréstimu aloka fali ba órgaun rejionál sira, hodi foti empréstimu direta, laliu husi Governu sentrál.

“Ami sita deit, hanesan lei fundu mina-rai, lei BCTL ne’ebé proposta lei ne’e tenta hatama hotu iha laran”,hateten porta vóz ne’e, liuhosi konferénsia imprensa, Kinta (22/07), iha Balide, Díli.

Tuir nia, proposta lei ne’e laiha konsultasaun públiku ho parte relevante sira, hafoin submete ba PN atu debate.

Husi kestaun sira ne’e, parte movimentu husu PN atu retira diskusaun plenária kona-ba proposta lei ne’e, no husu mos atu mantein ho lei númeru 13/2009.

Tuir lolos, PN tenke halo mak lei kona-ba uzu kostumeiru nomos lei seluk tan ne’ebé importante tebes ba prosesu dezenvolvimentu nasionál.

“Ami rekomenda ba PN atu retira proposta lei ne’e, husi diskusaun no debate, no mantein utilizasaun lei 13/2009 no lei revisaun ne’ebé iha ona” tenik nia.

Prezidente Movimentu Akadémiku Pro-Konstituisaun RDTL, Hugo Lourenço da Costa subliña, movimentu sei lori submisaun sira ne’e ba PN, Governu no Prezidente Repúblika hodi haree no análiza.

“Ita sei hato’o submisaun ne’e ba Parlamentu, Governu no Prezidente Repúblika atu tetu ami nia konferensia ida ne’e” termina Hugo Lourenço da Costa.

Proposta lei Enkuadramentu Orsamentál Jestaun Finanseira ne’e, mosu atu halo alterasaun ba lei númeru 13/2009, kona-ba orsamentu jestaun finanseira, no dadaun ne’e iha ona PN hodi halo diskusaun.San


Banner

Foto

Notisia Ikus

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker