GMN TV Politika ALKATIRI FIAR PLP SEI ASEGURA GOVERNU FRETILIN IHA PN

ALKATIRI FIAR PLP SEI ASEGURA GOVERNU FRETILIN IHA PN

0 views

Sekretáriu Jeral Partidu FRETILIN, Mari Alkatiri, ho Prezidenti Partidu Libertasaun Popular (PLP), Taur Matan Ruak hasoru malu iha Hotel Novo Turismo-Dili, hodi koalia kona-ba formasaun VII Governu.

Enkontru segredu entre Mari Alkatiri ho Taur Matan Ruak ne’e, la’o kuaze oras rua (2) nia laran. Hafoin enkontru, Prezidenti PLP, Taur Matan Ruak ba Jornalista hateten, rezultadu husi enkontru ne’e, PLP lakohi koligasaun, no rejeita eleisaun antisipada.

Sekretariu Jeral Fretilin no Presidenti PLP iha intervista hamutuk ho media nacional nomos internacional hafoin remata dialogu.

Sekretariu Jeral Fretilin no Presidenti PLP iha intervista hamutuk ho media nacional nomos internacional hafoin remata dialogu.

“Rezultadu enkontru ne’e mak, partidu mais votado mak FRETILIN, segundu ami hakarak nafatin iha opozisaun, no ami mós lakohi iha eleisaun antisipada,”dehan Taur Matan Ruak iha Hotel Novo Turismo, Kinta (10/08). Kona-ba enkontru ne’e karik FRETILIN ho PLP entegra programa hodi prepara ba koligasaun, Taur Matan Ruak dehan, seidauk tempu atu koalia kona ba ida ne’e.

“Ami enkontru diak los, ha’u agradese konvite husi Sekretáriu Jeral FRETILIN,  nomós ami aproveita parabens ba vitória FRETILIN nian iha eleisaun foin dadauk ne’e. PLP nia pozisaun, ami mantein ami nia pozisaun iha opozisaun,”afirma Taur Matan Ruak. Eis Prezidenti Repúblika ne’e dehan, prosesu ba formasaun Governu foun sei la’o hela, no ida ne’e partidu mais votado nia kna’ar. Hatan kona ba, PLP lakohi eleisaun antisipada, signifika katak, PLP sei asegura Governasaun FRETILIN iha Parlamentu Nasionál, Taur Matan Ruak dehan, nia lakohi halo uluk espekulasaun. “Ha’u lakohi halo espekulasaun ba ita bo’ot (jornalista) sira, ba buat ne’ebé keta aban bainrua la akontese karik,”dehan Taur Matan Ruak. Alende ne’e, Sekretáriu Jeral Partidu FRETILIN, Mari Alkatiri dehan, PLP rekoñese FRETILIN hanesan partidu mais votado. Kona ba negosiasaun hodi PLP bele asegura Governasaun FRETILIN to’o tinan lima, Alkatiri dehan, FRETILIN ho PLP sei halo negosiasaun iha PN.

“Ha’u kompriende pozisaun PLP nian ne’e, no ami kontenti tanba dehan lakohi eleisaun antisipada,” katak Alkatiri. Alkatiri mós fó apelu ba povu Timor Leste atu f’o konfiansa ba lideransa nasionál sira, kona ba formasaun VII Governu konstitusionál. “Ami-nia responsabilidade mak hateten ba povu katak, lalika preokupa ho formasaun Governu foun,” katak Alkatiri. Observasaun GMN nota katak, iha sorumutu ne’e, Alkatiri ho Taur Matan Ruak hakuak malu  hodi hamnasa, maibé sira nia oin sei mo’e ba malu, tanba tinan barak nia laran, sira nunka hasoru malu. Hafoin entrevista ba jornalista sira, Alkatiri ho Taur Matan Ruak kontinua hakoak malu. Tuir ajenda, ohin (Sesta 11/08) FRETILIN sei enkontru tan ho partidu Demokrátiku no mós KHUNTO.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker