GMN TV Politika FRETILIN, PLP HO KHUNTO, SEI DESKUTI SUBSTANSIAL KOLIGASAUN

FRETILIN, PLP HO KHUNTO, SEI DESKUTI SUBSTANSIAL KOLIGASAUN

0 views

Partidu FRETILIN sei tuur hamutuk dala ida tan ho Partidu Libertasaun Popular (PLP) no partidu Kmanek Haburas Unidade Timor Oan (KHUNTO)  hodi koalia kle’an liu tan kona-ba substansial koligasaun nian ho mos entendimentu   ba formasaun Governu. “Ita bele servisu hamutuk, se koligasaun intendementu parlamentu ou  inkluzasaun, ne’e ita  mak tenke difini.

FRETILIN la bele difini tiha ona  bolu ema seluk tama mai, FRETILIN tenke hamutuk ho partidu seluk mak hodi bele difini,” hateten Sekreatariu Jeral partidu FRETILIN,  Mari Alkatiri, liu husi konferensia imprensa Otel Novo Turismo,  Sabadu (12/8/2017). Durante halo dialogu ho partidu sira ne’ebe liu ona bareira 4% iha eleisaun parlamentar, foin lalais ne’e, FRETILIN deklara hodi konvida partidu PLP ho KHUNTO hahu konservasaun substansial atu hari’i plataforma entendimentu ida metin no seguru Governasaun nian, no halo desizaun formal ba fomatu adekuadu ba entendimentu  bele hatan ba espetativa lejitima povu nian. Partidu PLP ho KHUNTO foin primeira no foin halo sira nia estratejia ba politika surat tahan ne’ebe sei mutin, dialogu ho partidu sira seluk bele konjuga entendimentu oin rua ou tolu koligasaun hamutuk ho inkluzaun bele grupo ho insidensia parlamentar. Mari Alkatiri esklarese katak, asegura formasaun Governu ne’ebe metin no halo definisaun formal adekuadu ba entendimentu ne’ebe bele hatan espetativa lejitima ba povu. FRETILIN rasik hola ona inisiativa hodi hala’o konversaun ho partidu politiku hotu ne’ebe hetan representante iha Parlamentu Nasional ba legislatura dala-hat nian, periodu 2017-2022

Nia mos esplika iha dialogu ho partidu politiku sira hotu ne’e hodi bele garante politika ida inkluzivu liu tan atu parlamentu Nasional bele sai forum ida .ba konsertasaun pozisaun hotu hotu no buka nafatin konsensu ba desizaun estruturante hodi bele hametin estadu FRETILIN mos halao ona dialogu  ho CNRT, partidu ne’ebe sai  segundu mais votadu, PLP ne´ebe lidera husi eis Prezidenti Republika, Taur Matan Ruak, no Partido Demokratiku ne´ebe iha eleisaun tinan ida nee konsege eleje deputado nain hitu ba parlamentu nasional no mos KHUNTO . FRETILIN konside ba pozisaun ne’ebe partidu politiku ida idak hatudu asumi molok kampaña eleitoral no hafoin halo konservasaun presiza duni atu defini lalais plataforma entendimentu metin no seguru atu bele garante establidade Governativa tinan lima nia laran Husi sorin seluk, Konselho Superior KHUNTO, José dos Santos “Naimori Bucar” informa katak,  partidu KHUNTO prontu koopera, maibe hein desizaun husi FRETILIN.

“Ami respeita ba konvite husi FRETILIN no  ita hotu nia interese mak unidade nasional,”  hateten Nai Mori Bucar hafoin ho nia estrutura ba hasoru malu ho FRETILIN. Nudar lideransa, Naimori  afirma katak, hotu-hotu tenke koopera malu atu tau hanoin diak diak ba interese nasional no  povu nia interese. Kona-ba atu koligasaun ho partidu FRETILIN, Naimori sublinha katak, desizaun laos husi KHUNTO maibe husi FRETILIN. Infelismente, Naimori hatutan katak, KHUNTO prontu atu servi ho se deit ba interese nasional no ba estabilidade nasional. “Semana oin, ami sei  deskuti atu halo koligasaun ou  laos koligasaun tanba plataforma entendimentu ita tenke difini didiak,” afirma Naimori. ety


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker