GMN TV Politika FRETILIN-PLP KONKORDA HO PRINSIPIU KOLIGASAUN

FRETILIN-PLP KONKORDA HO PRINSIPIU KOLIGASAUN

0 views

Partidu mais votadu FRETILIN ho Partidu Libertasaun Popular (PLP), iha ona konkordansia ba prinsipiu, aliserse fundamentu, valores no vizaun koligasaun nian. Maibé partidu rua ne’e, seidauk fó rezultadu ne’e ba públiku.

Adjuntu Sekretáriu Jeral Partidu FRETILIN, José Reis, hateten, rezultadu husi konkordansia ne’e, Sekretáriu Jeral FRETILIN, Mari Alkatiri ho Prezidenti PLP Taur Matan Ruak mak sei fó sai nba públiku iha tempu badak. “Semana kotuk ne’e, ami tRoka dokumentu balu atu bele halo diskusaun, no ami tu’ur hamutuk fali atu aserta pontus balu, no ami hetan pontus enkontru balu kona ba dokumentu hirak ne’e. maibé ami sei hato’o fila fali ba lider sira partidu nian (Alkatiri ho Taur Matan Ruak), no sira na’in rua mak sei foti desizaun,”relata José Reis ba jornalista sira iha Hotel Novo Turismu Dili, Segunda (28/08), hafoin enkontru ho PLP. Nia esplika, enkontru ne’e, sira ko’alia kona ba prinsipiu koligasaun nian, maibé ekipa téknika sira labele fó sai ba públiku. Nia dehan, iha tempu badak, partidu koligasaun tolu hanesan FRETILIN, PLP no KHUNTO, sei tu’ur hamutuk atu hamosu draft final ba koligasaun ne’e. “Ami-nia diskusaun ne’e sériu, tanba ami halo tiha ona espalla polítika ida, no ami sei tu’ur hamutuk fali atu hamosu draft final koligasaun nian,”katak José Reis. Nia salienta, FRETILIN hakarak kaer  ukun hamutuk, tanba bainhira ukun na’in sira kontra malu, pRosesu dezenvolvimentu bele la’o ladiak ba futuru. José Reis dehan, iha sorumutu ne’e, sira la ko’alia kona ba kargu Primeiru Minsitru no Prezidenti Parlamentu Nasionál. Alende ne’e, José Reis mós informa katak, prezensa Alkatiri iha enkontru ne’e, tanba Prezidenti PLP rasik mak husu nia atu Alkatiri halo esplikasaun uitoan ba ekipa tékniku sira, atu ko’alia liu kona ba prinsipiu koligasaun nian. Nune’e mós, Portavoz Partidu Libertasaun Popular (PLP), Fidelis Magalhães, hateten, kargu Prezidenti Parlamentu Nasionál ne’e, PLP no FRETILIN sei diskuti hela. “Deputadu hotu bele sai Prezidenti Parlamentu, bainhira votu ne’ebé apoiu ema ne’e, 10 to’o 20.  Ida ne’e la’os kabe ba ha’u nia pesoal de’it, maibé  deputadu hotu iha Parlamentu Nasionál,”tenik Fidelis. Nia salienta, iha sorumutu ne’e, sira la ko’alia kona ba integrasaun pRograma, maibé ko’alia de’it kona ba prinsipius, aliserse fundamentu, valores no vizaun koligasaun nian. “PRosesu formasaun la’o hanesan to’o loRon 5 fulan oin, ita hotu akampaña tenki akompaña pRosesu ne’e ba oin, atu nune’e to’o loRon determinadu, bele iha plenária IV lejislatura,” katak Fidelis. Sorumutu entre FRETILIN ho PLP ne’e, Prezidenti PLP, Taur Matan Ruak la marka prezensa. Sekretáriu Jeral FRETILIN mak marka prezensa, maibé lato’o minutu 20, Alkatiri sai fali hodi husik ekipa téknika partidu rua ne’e mak enkontru. “Ne’e a nivel ami nian, Dr. Alkatiri mai esplika oituan ba ami, no fahe esperiensia oituan mai ami. Laiha ajenda atu lider rua ne’e, tu’ur hamutuk iha ne’e, enkontru ne’e tékniku sira de’it. Ami nia enkontru ne’e, iha ona hanoin hanesan, no konkorda ona ba pontus barak, maibé pontus saida ne’e, ami sei transforma ba ami nia lider sira, mak depois fó sai,” informa Fidelis.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker