GMN TV Politika FRETILIN SEI TETU PROPOSTA PLP-KHUNTO

FRETILIN SEI TETU PROPOSTA PLP-KHUNTO

0 views

Partidu mais votadu FRETILIN, simu ona proposta husi Partidu Libertasaun Popular (PLP) no Klibur Haburas Unidade Timor Oan (KHUNTO) kona ba formasaun VII Governu konstitusionál.

Adjuntu Sekretáriu Jeral Partidu FRETILIN, José Reis hateten, proposta husi partidu rua ne’e, nia labele fó sai ba públiku lai, tanba FRETILIN ho partidu rua ne’e sei tu’ur hamutuk fali atu tetu didiak. “Horiseik hori bainrua ami simu ona dokumentu ida ne’ebé mak ami entrega ba PLP no KHUNTO, sira halo sira-nia apresiasaun ba dokumentu ne’e, no ohin (horiseik-red) ami halo fali apresiasaun ba dokumentu ne’e, tanba ami simu fila fali sira-nia feedback ida, no ami sei iha fali enkontru ida ho PLP, atu esklarese ba malu kona ba prinsipiu koligasaun,” katak José Reis ba jornalista sira iha Comite Central FRETILIN (CCF), Comoro Dili Segunda (28/08). José Reis hatutan, FRETILIN sei realiza tan enkontru ida ho PD, CNRT no KHUNTO, hodi ko’alia kona ba formasaun VII Governu. Nia esklarese, iha loron 5 fulan Setembru mai ne’e, IV legislature sei simu ona posse, tanba ne’e, FRETILIN tenki esforsu atu konklui koligasaun ne’e iha tempu badak. “Koligasaun ne’e, ami sei ko’alia kestaun prinsipiu, partilla mós programa, tanba ne’e mak ami sei enkontru tan ho PLP no KHUNTO,” relata José Reis. Adjuntu Sekretáriu Jeral FRETILIN ne’e afirma, antes loron 5 fulan Setembru, partidu koligasaun tolu ne’e, sei fó rezultadu koligasaun ba públiku, kona ba formasaun VII Governu. Hatan kona ba, kargu Primeiru Ministru sei lidera husi FRETILIN,  no oinsa ho Prezidenti Parlamentu Nasionál?, José Reis hateten, rezultadu eleisaun ne’e, povu husu ba FRETILIN atu lidera prosesu formasaun VII Governu. “Atu deside lolos kargu Primeiru Ministru, ami sei iha reuniaun Comite Central FRETILIN. Ami atu hatama hotu Governu inkluzaun no insidensia Parlamentar, tanba ita nia rai ne’e, presija ita hotu hamutuk atu bele rezolve problema povu nian ba oin,” katak José Reis. Nia afirma, povu fó ona nia votus konfiansa ba partidu lima, no FRETILIN mós la manan maioria absoluta, tanba ne’e tenki konvida partidu seluk hodi forma Governu, tuir konstituisaun hateten. “Tuir konstituisaun, tinan lima dala ida mak halo eleisaun, tanba ne’e polítika sira labele obriga fila fali povu atu fila fali ba eleisaun, tanba povu laiha ona vontade atu fila ba eleisaun dala ida tan, tanba ita konvida povu tinan lima dala ida tuir konstituisaun hateten,” relata José Reis.cos


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker