GMN TV Politika KOLIGASAUN FRETILIN, PLP NO KHUNTO SEIDAUK FORMAL

KOLIGASAUN FRETILIN, PLP NO KHUNTO SEIDAUK FORMAL

0 views

Sekretáriu Jeral KHUNTO, José Agustinho da Silva, hatete, Partidu FRETILIN, PLP no KHUNTO iha ona konkordansia atu halo koligasaun ba formasaun VII Governu, maibé plataforma koligasaun ne’e seidauk formal tanba saidauk iha dokumentu legal ba partidu tolu ne’e atu asina ba koligasaun ne’e rasik.

Sekretáriu Jeral Partidu KHUNTO ne’e hatete, mensajen ne’ebé oras ne’e dadauk públiku inteira mak formasaun VII Governu konstitusionál ne’e mai husi koligasaun partidu tolu hanesan FRETILIN, PLP no mós KHUNTO. “Ita labele ko’alia de’it katak, partidu tolu mak halo koligasaun, maibé oinsa mak bele formaliza koaligasaun ida ne’e, entaun tenki iha dokumentu ruma ne’ebé partidu tolu ne’e bele asina, nu’udar baze husi koligasaun,”katak José Agustinho da Silva ba GMN iha Bebonuk Dili, Kuarta (23/08). Maibé José Agustinho dehan, ida ne’e depende ba partidu mais votadu FRETILIN atu kria kondisaun para ekipa teknika sira bele aselera prosesu, no oinsa bele elebora dokumentu plataforma koligasaun nian. “Desizaun ba koligasaun ne’e los ona, agora segunda faze ne’e, ekipa teknika husi partidu mais votadu FRETILIN, PLP ho KHUNTO, oinsa mak bele hasoru malu para aselera prosesu formasaun VII Governu ne’e,” tenik Agustinho. Nia salienta, hafoin ida ne’e mak bele ko’alia kona ba plataforma VII Governu nian, li-liu kona ba lala’ok Governu. “Partisipasaun KHUNTO iha VII Governu konstitusionál, sei adopta espiritu proposionalidade, tuir numeru asentu Parlamentu Nasionál nian. Emprinsipiu partidu KHUNTO nia pozisaun durante ne’e mak ne’e, pronto para kolabora no kontribui atu garante estabilidade no paz, li-liu estabilidade polítika, seguransa no estabilidade Governativa,” tenik nia. José dehan, KHUNTO nia prezensa iha koligasaun ne’e, atu kolabora hodi asegura estabilidade Governativa ida ne’e. “KHUNTO ninia prezensa iha VII Governu konstitusionál, ami la ho ejizensia katak,  parte KHUNTO nian mak ida ne’e no ida ne’e, ami sei la ejize ida ne’e, depende ba partidu mais votadu,”dehan nia. Nia hatutan, desizaun ne’e iha partidu mais votadu nia liman, KHUNTO pronto atu kolabora ba estabilidade Governativa ne’e nia mandatu remata. Iha parte seluk, portavoz PLP, Fidelis Magalhães mós hateten, iha semana liu ba, lideransa partidu tolu ne’e hasoru malu ona, no iha vontade atu harii plata forma koligasaun, maibe saidauk ofisial. “Plata forma ba koligasaun, ita konkorda tiha ona, maibé atu ofisializa koligasaun ne’e presiza servisu sira ne’e, no servisu sira ne’e tenki iha komponente ida de’it,” dehan Fidelis Magalhães. Nia esplika, plata forma ne’e la’os koligasaun, tanba koligasaun ne’e hanesan aranju ida, entaun atu to’o iha koligasaun ne’e, nia akordu no programa ne’e tenki iha tiha lai mak foin bele ofisializa koligasaun ne’e. “La’os dehan, konkorda tiha ona plata forma koligasaun ne’e la’e, maibé harii plata forma ida ba koligasaun,”relata Fidelis. Nia hatutan, ba plata forma ida ne’e, agora dada’uk ekipa teknika FRETILIN ho PLP hasoru malu hela hodi halo prosesu sira ne’e, no  espera katak, iha tempu badak ne’e, prosesu sira ne’e hotu bele la’o ho susesu. FRETILIN mak konvida PLP ho KHUNTO atu haree no viabiliza plataforma ida ba koligasaun, entaun kona ba buat seluk, FRETILIN mak hatene.cos


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker