GMN TV Politika PD PRONTU KOOPERA HO FRETILIN Alkatiri lakohi fo ba CNRT forma

PD PRONTU KOOPERA HO FRETILIN Alkatiri lakohi fo ba CNRT forma

0 views

Prezidenti Partidu Demokrátiku (PD), Mariano Assanami Sabino, deklara, PD prontu koopera ho partido vensedor FRETILIN, tanba PD tane aas intrese Estadoa nian.

Mariano Assanami Sabino hateten, enkontru primeiru ho FRETILIN ne’e, sira-nia parte agradese sasan lobuk ida, no opsaun sira ne’ebé média sosial ko’alia, iha enkontru ne’e, sira haklean liu tan. “Ami haree modalidade oi-oin atu forma Governu, no sei iha enkontru segundu atu ko’alia,”dehan Assanami Sabino. Hatan kona ba PD prontu atu koliga ho FRETILIN hodi forma Governu dáhitu? Assanami Sabino dehan, iha ona sinal atu to’o iha ne’eba. “Mak ne’e, maibé sei iha enkontru tan dala ida. PD sempre aposta ba interese Estadu, no halo diálogu ho métudu ne’ebé diak liu para ita tane malu no respeita malu, tanba ami sempre ko’alia katak, ba ukun ho opozisaun ne’e, kaduak rua ne’ebé mai husi rezultadu eleisaun,”katak Assanami, hafoin enkontru ho Partidu FRETILIN, iha Hotel Novo Turismo Dili, Sesta (11/08), hodi koalia kona ba formasaun governu foun. Nia salienta, opozisaun ho Governu ne’e, sira nia funsaun lahanesan, maibé mai husi inan ida de’it, mak povu. “Tanba ne’e, ami-nia hanoin, ba oin sempre iha aberta ba diálogu, no hanoin oi-oin atu konstroe ita-nia Estadu no nasaun ne’e ba oin,”tenik Assanami. Tuir Assanami katak, tempu atu forma Governu ne’e, la atraza tanba la’o tuir konstitusionál.

Lakohi fo ba CNRT forma

Nune’e mós Sekretáriu Jeral Partidu FRETILIN, Mari Alkatiri hatete, públiku labele hanoin katak, FRETILIN sei la konsege forma VII Governu hodi entrega fali ba partidu CNRT. “FRETILIN ho PD ko’alia atu ba oin forma Governu halo nusa, delegasaun PD rona, no sei lori fila-fali ba partidu atu halo análiza ba ida ne’e. Ha’u hatete iha ne’e katak, labele hanoin katak, FRETILIN sei la konsege atu forma Governu, no CNRT mak sei forma, maibé FRETILIN mak sei forma,” relata Alkatiri. Mari Alkatiri hatete katak, iha ekontru ne’e, PD hatudu ona nia vontade ba koligasaun, maibé sei iha tan enkontru segunda ronde entre partidu rua ne’e hodi diskuti klean liu tan. Sekretáriu Jeral Partidu FRETILIN ne’e afirma, Partidu lima hanesan FRETILIN, CNRT, PLP, PD no KHUNTO sei tu’ur iha Parlamentu Nasionál, no  partidu lima ne’e vontade hanesan atu lori Estadu ne’e ba oin. Nia salienta, enkontru ho PD ne’e, diak tebes no FRETILIN kompriende ona katak, PD iha hanoin atu lori nasaun ho povu ne’e ba oin. “Ida ne’e baze ida ne’ebé diak, ida ne’ebé akontese uluk ne’e laiha  ona, tanba iha sentidu responsabilidade. Tanba ne’e, buka de’it dalan atu koopera ne’e mak ami buka dalan ida diak liu para mantein independensia partidu ida-idak nian, maibé hotu-hotu hakarak lori Estadu ne’e ba oin,” relata Mari alkatiri.cos


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker