GMN TV Politika XANANA LIDERA NAFATIN CNRT Aprova rezolusaun la partisipa iha VII Governu

XANANA LIDERA NAFATIN CNRT Aprova rezolusaun la partisipa iha VII Governu

0 views

Prezidenti Partidu Congresso Nacional Recosntrução Timorense (CNRT), ne’ebé iha loron primeiru konferensia nasionál CNRT deklara katak, nia demite an husi Prezidenti Partidu CNRT ho razaun, figura la’os opsaun ba povu atu hili partidu.

Prezidenti Partidu Congresso Nacional Recosntrução Timorense (CNRT), ne’ebé iha loron primeiru konferensia nasionál CNRT deklara katak, nia demite an husi Prezidenti Partidu CNRT ho razaun, figura la’os opsaun ba povu atu hili partidu. Desizaun Xanana Gusmão nian ne’e, halo konferensista sira triste, no maioria estrutura husi Munisipiu ameasa atu hodi sira nia militante sira atu sai husi CNRT, kuandu Xanana Gusmão mantein ho nia desizaun rezigna an husi prezidenti partidu. Tanba ne’e, konferesista sira husu ba Xanana Gusmão atu rekonsidera nia desizaun ne’e, hodi lidera nafatin partidu CNRT, tanba nia mandatu hanesan Prezidenti Partidu sei remata iha tinan 2022.

Konferensia nasionál CNRT durante loron tolu iha CCD Dili ne’e, konferesista sira aprova ona rezolusaun ida hodi bandu intelektual sira husi CNRT atu partisipa iha formasaun VII Governu. Sekretáriu Jeral Paridu Congresso Nacional Recosntrução Timorense (CNRT), Francisco Kalbuadi Lay hateten, plenária konferensia nasionál CNRT nian, diskuti no konsidera polítika nasionál Timor Leste nian. “Nune’e konferensia nasionál deside hatu’ur an nu’udar opozisaun iha Parlamentu Nasionál, VII legistlatura, periodu 2017-2022,” katak Kalbuadi Lay, hafoin konferensia nasionál CNRT remata, Domingu (06/08/2017). Rezolusaun númeru 1/2017 ne’e, sei la autoriza intelektual sira husi CNRT atu partisipa iha Governasaun periodu 2017-2022. Kalbuadi Lay haktuir, CNRT mós konsidera rezultadu eleisaun jeral 2017, tuir desizaun Tribunal Rekursu nian, ne’ebé CNRT sai nu’udar segundu partidu mais votadu ho total votus 167,345 (29,5%), hodi konsidera mós ba dispostu artigu 106, konstituisaun RDTL, no konsidera mós previstu númeru 3 husi artigu 27. Nia hatutan, estatutu Comisaun polítika nasionál CNRT, konvoka komfrensia nasionál partidu nian, hodi delibera pozisaun partidu CNRT nian iha situasaun polítika actual.

Kalbuadi afirma, Konsidera mós ba intervensaun husi Prezidenti partidu CNRT, Kay Rala Xanana Gusmão, intervensaun husi delegadu sira partidu nian, ne’ebé partisipa iha konferensia nasionál CNRT nian durante loron tolu ne’e, tetu ona hanoin sira ne’e hotu, hodi konsidera mós konsistensia polítika partidu CNRT nian, nu’udar prinsipiu basilar ba dezenvolvimentu demokrásia iha Timor Leste. Nune’e mós, Prezidenti Comisaun Diretiva Nacionál, CPN konvoka konferensia nasionál atu diskuti no hasai desizaun ruma kona-ba, asuntus ne’ebé partidu haree iha relasaun ho intrese nasionál, ou afeita intrese partidu nia rasik. “Tan ne’e, ami hala’o forum debate partidu nian ida ne’e durante loron tolu. Iha sesaun abertura konfrensia nasionál CNRT ne’e, Prezidenti CNRT, Kay Rala Xanana Gusmão hato’o ninia mensagen ba polítika ba partidu no ba públiku, kona ba nia analize ba konjuntura polítika actual iha ita nia rain,” katak Dionisio Babo. Nia haktuir, ida ne’e hanesan lisaun todan maibé diak ba futuru, hodi fortalese organizasaun polítika ida ne’ebé estrutura CNRT hakarak hemetin no hakbi’it liutan.

“Derota eleitoral ida ne’e, la signifika katak, CNRT lakon ona iha mapa polítika Timor Leste nian. CNRT nu’udar partidu bo’ot ida, sei respeita no kaer metin ba prinsipius ne’ebé orienta prosesu eleitoral ne’ebé transparente, justo no demokrátiku, hodi halakon intimidasaun promesas ba povu,” katak Dionisio. Nia afirma, CNRT sei kaer metin nafatin nia kompromisiu ba povu, ne’ebé hasai durante tempu kampaña. CNRT sei esforsu aan atu hadia liutan mekanismu koordenasaun entre estruturas husi nasionál to’o baze, liu husi CNRT nia komisaun juridisaun no fiskalizasaun, sei tau matan ba pratikas iha partidu laran, ne’ebé viola interese partidu nian.

“Ami halo debates kona ba saida mak partidu bele ka tenki halo, iha situasaun polítika atual. Nune’e iha plenária konfrensia nasionál ne’e, hasai ona rezolusaun ida kona ba pozisaun polítika iha situasaun actual ne’e, hodi aprova pur unanimidade no aklamasaun katak, CNRT sei ba opozisaun iha period 2017-2022,” informa Dionisio Babo. Nia esplika, iha loron ikus konfrensia nasionál ne’e, konfresista sira mós hahú diskuti kona ba desizaun Kay Rala Xanana Gusmão nian atu limita aan husi kargu Prezidenti CNRT. Dionisio dehan, konferesista sira apresia prinsipiu moral ho polítiku husi Kay Rala Xanana Gusmão ne’e, hodi simu hanesan ezemplu diak ida iha partidu nia laran, atu oinsa kuadru partidu sir abele hakiak espíritu responsabilidade ba partidu. Dionisio dehan, konfrensista sira mós deklara katak, derrota ne’ebé CNRT hetan iha eleisaun ida ne’e, responsabilidade partidu nia estrutura tomak, la’os Prezidenti partidu nian mesak.

“Konferensista sira hato’o li-liu sira nia preokupasaun kona ba seidauk tempu atu bele simu desizaun ida ne’e. ne’eduni sira husu ba Kay Rala Xanana Gusmão atu rekonsidera nia desizaun tanba nia kargu nu’udar Prezidenti partidu sei remata iha 2022, no nune’e bele tau matan nafatin ba partidu hodi hakbi’it no hakbo’ot tuir kompromisu husi kongressu,” katak Dionisio. Maibé Dionisio dehan, nia labele ko’alia liu kona ba asuntu ne’e, tanba asuntu ne’e kongresu extra-ordenáriu mak iha kompetensia atu deside. “Depois rona tiha preokupasaun sira ne’e, Xanana Gusmão hasai desizaun katak, to’o realizasaun kongresu extra-ordenáriu maun Xanana sei kaer nafatin nia kna’ar nu’udar Prezidenti do Partidu CNRT, maibé laiha ona direitu perrogativu hanesan Prezidenti partidu ho plenus poderes,” informa Dionisio. Nia salienta, desizaun Xanana nian ne’e, konferesista sira simu ho laran kmanek, tanba Xanana Gusmão mantein nu’udar Prezidenti ezersisiu. Dionisio dehan, Xanana Gusmão kompromete atu kaer planu partidu nian ne’e, tanba nia sei iha tempu tomak atu fó atensaun de’it ba hakbi’it, hametin no habo’ot partidu CNRT.cos


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker