GMN TV Politika AUSTRALIA PROMETE SEI APOIA MILLAUN 10.5 USD BA TL

AUSTRALIA PROMETE SEI APOIA MILLAUN 10.5 USD BA TL

Governu Australia liu husi Ministra Negósiu Estranjeiru, Julie Bishop, promete sei apoia osan ho millaun 10.5 USD ba Timor Leste hodi hadia area saúde no redus númeru violensia kontra feto.

Ministra Negosiu estranjeiru, Australia, Julie Bishop, hateten objetivu husi apoiu ne'e, atu komunidade hotu iha TL bele hetan kondisaun ne’ebé saudavel no seguru, nune'e Timor oan hotu bele partisipa másimu iha sosiedade no kontribui iha ekonomia.

"Obejtivu husi apoiu ne'e nu’udar investimentu ida ba komunidade ne’ebé saudavel, no seguru hanesan prioridade ida ba Governu Australia, nune'e Timor oan hotu bele partisipa ho másimu iha sosiedade no kontribui ba kresimentu ekonomia, pakote ne'e inklui osan millaun US$ 10.5 ba faze daruak, ho periodu tempu tinan hat ba programa nabilan, programa ne'e sei suporta ba organizasaun sira atu implementa, servisu ne’ebé kualidade ba feto no labarik sira, ne’ebé mak iha esperiensia ho violensia inklui asistensia legal, akonsellamentu no fatin ne’ebé mak seguru, parseiru sira husi nabilan sei kontinua halo monitorizasaun ba tribunais, advokasia, hodi reforma lei no servisu ho komunidade sira hodi muda atitude, no komportamentu komunidade nian atu nune'e bele prevene violensia. Australia hanesan kampiaun global ba asuntu jepara violensia kontra feto no labarik feto sira tanba empoderamentu feto no labarik feto sira kritiku teb-tebes ba kresimentu no seguransa iha fatin hotu-hotu,"Ministra Negosiu Estranjeiru Australia, Julie Bishop, hateten iha nia diskursu bainhira vizita HNGV, Bidau-Dili, Tersa (31/7/2018).

Alende ne'e Julie Bishop mos anunsia katak TL sei tama ba programa rejional foun hodi haforsa seguransa saúde iha parseiru ho Ministériu Saúde, ne’ebé sei inklui ho osan Millaun 1.5 USD, ba projetu peskiza ida ne’ebé sei haree kona ba moras hadaet no seluk tan.

Entretantu Vise Ministra Saúde, Elia Antonio de Araújo dos Reis Amaral, apresia ho apoiu Governu Australia mai TImor Leste, liu husi area oi-oin no partikularmente Ministériu Saúde ne’ebé durante ne'e la’o hela.

"Ha’u apresia tebes ho apoiu husi Governu Australia, Australia ho Timor-Leste durante ne'e iha relasaun bilateral ne’ebé diak no metin ne’ebé durante ne'e fo apoiu ba TL iha area oi-oin liu -liu iha area saúde,"dehan ELia Araújo.

Iha okaziaun ne'e, Julie Bishop mos hala’o expedisaun ba Organização Não Governamental sira ne’ebé mak durante ne'e governu Australia fo apoiu.Ola


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker