GMN TV Politika Eleisaun ba komisariu KAK adia dala 3 ■Hein diskusaun OJE remata

Eleisaun ba komisariu KAK adia dala 3 ■Hein diskusaun OJE remata

0 views

Parlamentu Nasionál (PN) adia eleisaun ba Komisariu Komisaun Anti Korupsaun (KAK) ba dala 3 ona, tanba laiha kuorum halo votasaun, tanba ne’e Prezidente Parlamentu Nasionál (PPN) Arão Noe de Jesus Amaral, hateten, proposta refere sei hein fali diskusaun Orsamentu Jeral Estadu (OJE) 2018 remata mak foin hala’o fali eleisaun.

“Kandidatu sira iha ona, Governu kumpri ona nia kompetensia, agora kabe ba Parlamentu Nasionál atu kumpri hodi halo eleisaun,”dehan PPN Arão Noe ba jornalista iha PN, Sesta (24/08/2018).

Líder órgaun lejislador ne’e mós, sujere ba bankada Parlamentar sira V lejislatura nian, atu iha konsensu ba malu lalais, hodi nune’e remata diskusaun OJE, bele halo kedas eleisaun.

“Ne’e labele dada bebeik hodi husik órgaun kria ho lei, maibe laiha líder ida atu bele organiza, ne’e mós impaktu ba funsionariu téknika sira ne’ebé servisu iha instituisaun no funsionamentu, tanba de’it laiha xefi atu lidera,”dehan PPN Arão Noe.

Iha sorin seluk, Xefi bankada CNRT, Duarte Nunez, relata, to’o agora seidauk iha konsensu entre xefi bankada sira Parlamentu Nasionál kona-ba proposta Governu atu hili atu halo eleisaun ba komisariu KAK.

Duarte Nunez hateten tan, bainhira laiha konsensu entre deputadu sira, AMP sei buka meius hodi entende malu, hodi priense priense kuorum hodi diskute no votasaun ba proposta importante ne’e.

Antes ne’e, deputadu sira husi bankada opozisaun Fretilin walk out (La’o sai) husi plenaria, no sei lakohi partisipa iha ajenda atu halo votasaun ba komisariu KAK, bainhira bankada AMP ho Governu laiha konsensu hodi aprezenta kandidatu konsensual ba komisariu KAK.

Tanba tuir deputadu opozisaun sira, ho kandidatu konsensual ne’e labele dúvida iha aprezentasaun kandidatu komisariu KAK nian.

Governu aprezenta proposta dahuluk hodi prolonga mandatu komisariu KAK anterior Adérito Tilman, maibe to’o iha plenaria, deputadu sira husi bankada AMP ne’ebé kompostu husi CNRT, PLP no KHUNTO rasik adia ajenda dahuluk ne’e, hodi husu tan kandidatu seluk ba Governu atu bele kompete, nune’e bele fó opsaun ba deputadu sira iha eleisaun hodi hili komisariu KAK.

Tanba razaun deputadu AMP sira, bainhira kandidatu úniku mak la presiza halo eleisaun no nomeia direta de’it.

Enkuantu, naran kandidatu ne’ebé VIII Governu aprezenta hafoin deside liu hosi konsellu ministru sira mak hanesan, prolonga mandatu komisariu KAK anterior Adérito Tilman ho Jurista Sergio Hornai, hodi assume mandatu komisariu KAK ba tinan 4, 2018 to’o 2022.Say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker