GMN TV Politika FIDELIS MAGALHÃES: LAIHA RAZAUN SUBTITUI MEMBRU GOVERNU PENDENTE

FIDELIS MAGALHÃES: LAIHA RAZAUN SUBTITUI MEMBRU GOVERNU PENDENTE

0 views

Ministru Reforma Lejislativa no Asuntu Parlamentar (MRLAP), Fidelis Magalhães, deklara, Primeiru Ministru (PM), Taur Matan Ruak, kontinua mantein lista VIII Governu ne’ebé maka foin la-lais ne’e Prezidente Repúblika (PR), Francisco Guterres ‘Lú Olo’ pendente, tanba PM tau konfiansa ba sira atu junta iha VIII Governu.

“PM Taur Matan Ruak, laiha razaun atu altera naran kandidatu sira ne’e, mais atu kontinua nafatin, tanba sira nain hirak ne’e maka PM tau konfiansa atu junta iha Governu ne’ebé maka PM lidera,” MRLAP ba jornalista sira hafoin partisipa diskusaun dekretu lei númeru 3/2015, 14 Janeiru kona-bá kuríkulu nasional baze edukasaun pre-eskolar, iha Parlamentu Nasional (PN), Díli, Segunda (06-08-2018).

Nia esplika, buat ne’ebé maka PM dehan maka laiha alterasaun ba proposta kandidatu membru Governu, signifika katak membru Governu ne’ebé PM propoin ba PR Lú Olo ne’e sei mantein nafatin.

“Ita hotu hatene katak kandidatu sira ne’e eleitores maka fó fiar ba sira, sira primeiru lugar hetan votus konfiansa husi povu no sira hetan proklamasaun husi tribunal, ha’u hanoin ita hotu presiza tau pergunta katak sera que sira ne’e serve atu sai deputadu iha segundu orgaun soberania, mais la serve fali okupa kargu iha treseira orgaun soberania,” haktuir Fidelis Magalhães.

Entretantu tuir deputadu bankada FRETILIN, Joaquim dos Santos hateten, PR iha kompetensia atu halo fiskalizasaun preventiva, ho nune’e maka membru Governu balun to’o agora seidauk simi pose, tanba fó pose ne’e signfika fó konfiansa ou supra-konfiansa ba ezistensia VIII Governu.

“PR iha dúvidas kona-bá títulu sira hanesan ne’e, entaun nia husu fila-fali ba PM atu rekonsidera sei iha tan ema seluk para alende sira ne’e ka la’e, tanba PR atu preve situasaun iha futuru, para Governu ne’e la’o ba oin karik, la’o ho prinsipiu ida boa governasaun no kualidade,” haktuir Joaquim dos Santos. Ves


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker