GMN TV Politika Governu sei halo alterasaun ba rejime kontributivu seguransa sosial

Governu sei halo alterasaun ba rejime kontributivu seguransa sosial

0 views

Oitavu Governu ne’ebé lidera husi Primeiru Ministru, Taur Matan Ruak, sei halo fali alterasaun ba rejime kontributivu seguransa sosial,  tanba Governu konsidera rejime ne’e seidauk perfeitu.

Vise Ministra Finansas, Sara Lobo Brites hateten, rejime kontributivu ne’e to’o agora Governu seidauk implementa, tanba orsamentu Jeral Estadu seidauk iha.

“Ita seidauk implementa ida ne’e, tanba situasaun duodésimu ne’e. Tanba ne’e mak enkontru ho Primeiru Ministru ohin (horseik) ne’e, para haree oinsa iha orsamentu agora tenki rezolve tiha ida ne’e,” relata Sara Lobo Brites  ba jornalista sira, iha Palacio Governu, Sesta (24/08), hafoin enkontru ho PM Taur Matan Ruak.

Nia hatutan, Ministra Solidaridade Sosial ho Vice Ministra Finansas enkontru ho Primeiru Ministru, Taur Matan Ruak, hodi ko’alia kona ba rejime kontributivu ne’ebé mak lei ne’e aprova tiha ona iha tinan hira liu ba, maibé nia implementasaun ne’e seidauk.

Nia esplika, rejime kontributivu ne’e, husi setór privadu mós kontribui, maibé husi parte Governu seidauk implementa ida ne’e, tanba situasaun ne’ebé la’o hela.

“Rejime kontributivu ne’e, 6% husi empregador, no 4% husi empregadu sira, maibé kona ba empregador ne’e laiha problema, maibé sei diskuti hela ida 4% ne’e, tanba ami tenki lori ba halo alterasaun iha Parlamentu Nasional, entaun ha’u seidauk bele dehan ni númeru lolos,” relata Sara Brites.

Maibé Vice Ministra Finansas ne’e dehan, VIII Governu hakarak rejime kontributivu ida ne’e implementa ona, bainhira Orsamentu Jeral Estadu 2018 aprova.

Lei Númeru 12 /2016/ loron 14 fulan Novembru, kona-ba Rejime Kontributivu Seguransa Sosiál aprova / iha mandatu sestu Governu, no promulgadu husi eis Prezidenti Repúblika atual Primeiru Ministru Taur Matan Ruak.

Maski VIII Governu deklara rejime seguransa sosiál sei presiza hadia, maibé oras ne’e dadaun kompañia balun implementa ona, halo kotasaun ba saláriu traballador prosentu hat kada fulan, depois lei ne’e promulga iha loron 19 fulan Maiu 2017.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker