GMN TV Politika Komemora loron 30 Agostu, PN kongratula Povu no veteranu TL

Komemora loron 30 Agostu, PN kongratula Povu no veteranu TL

Prezidente Parlamentu Nasionál (PPN), Arão Noe de Jesus Amaral, lori Parlamentu nia naran kongratula no hato’o parabens ba povu no veteranu tomak iha Timor-Leste (TL), relasiona ho komemorasaun loron konsulta popular 30 de Agostu ba dala 19.

“Parabens ba povu Timor-Leste tomak, liu-liu ba sira ne’ebé momentu ne’eba 1999 ho risku oioin, maibe sira hakat neneik ba to’o iha sentru votasaun hodi ezerse sira-nia direitu no dever hanesan sidadaun hodi fó votus, no ho sira-nia votus mak determina no restaura ita-nia independensia,”hatete Arão Noe de Jesus Amaral ba jornalista iha PN, Kuarta (29/08/2018).

Alende ne’e, Prezidente PN ne’e mós kongratula luta nain sira ne’ebé sakrifika sira-nia vida durante tinan 24 nia laran to’o determina Timor-Leste nia objetivu hodi restaura nia independensia.

Tanba ne’e, líder órgaun lejislador ne’e enkoraja sidadaun hotu, atu kontribui paz no estabilidade hodi nune’e dezenvolvimentu iha nasaun Timor-Leste ne’ebé ema barak sosa ho ran, bele la’o di’ak liu tan.

“Parabens mós ba ita-nia kombatente sira, no mós ba ita-nia kombatente sira ne’ebé luta durante tinan 24 nia laran, para atu to’o determinasaun ida di’ak liu, onra mós ba sira ne’ebé mate fakar ran luta ba ida ne’e, hodi konsege ita restaura duni ita-nia independensia, onra ida ne’e mai ita kontribui ba dezenvolvimentu rai ida ne’e, liu hosi ita-nia establidade, kria intendimentu polítiku, nune’e dezenvolvimentu ba rai ida ne’e la’o ba oin nafatin, no sistema demokrasia ne’e la’o diak,”tenik Arão Noe de Jesus Amaral.

Tuir Arão Noe de Jesus Amaral, komemorasaun loron konsulta popular, la’os tenke halo serimonia bo’ot, maibe feriadu nasionál de’it mós konsidera komemora ona, no Estadu rasik sei moris iha orsamentu duodésimu.

“Tuir lei, 30 de Agostu ne’e konsidera hanesan feriadu nasionál, maibe komemorasaun ne’e iha dalan barak, la’os dehan tenke festa, serimonia ka asaun ruma mak komemorasaun, maibe, feriadu nasionál ne’e mós konsidera hanesan komemorasaun ona. Preokupasaun, sim. Maibe agora ita iha situasaun ida moris de’it ho duodésimu, Ita-nia Orsamentu Jeral Estadu 2018 nia foin mak diskute iha fulan Agostu, normalmente la’os hanesan ne’e, maibe tenke simu realidade, situasaun mak hanesan ne’e, hein katak, depois de orsamentu sira ne’e aprova, sasán hotu fila ba normal, konsiderasaun ba loron importante sira ne’e, maibe la signifika agora la fó importansia,”katak Arão Noe.

Enkuantu, Timor-Leste komemora loron konsulta popular  ne’ebé monu iha loron 30, fulan Agostu, tinan 2018 ne’e ba dala 19, nu’udar loron importante ne’ebé povu Timor-Leste determina nia independensia iha tinan 1999, maske hasoru risku oi-oin.Say


Banner

Foto

Notisia Ikus

UMDP husu PN retira proposta lei enkuadramentu OJF

July 23, 2021
Unidade Movimentu Demokrátiku no Patriotiku (UM...

L7 husu jerasaun foun aprende hamutuk ho jerasaun tuan

July 23, 2021
Veteranu Cornelio Gama ‘L7’ atúal deputadu ...

PM Taur: Polémika ró Tranship II, MTK mak responsabiliza

July 23, 2021
Primeiru Minstru (PM), Taur Matan Ruak, deklara,...

Lere kongratula Berta kandidata-an ba PR

July 22, 2021
Xefe Estadu Maior Jenerál Falintil Forsa Defeza...

Lere: Impase polítiku akontese tanba ami la rona malu

July 22, 2021
Xefe Estadu Maiór Jenerál FALINTIL-Forsa Defez...
1 2 3 619

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker