GMN TV Politika Ohin, PN halo audiénsia OJE ho Governu

Ohin, PN halo audiénsia OJE ho Governu

0 views

Prezidente Parlamentu Nasional (PN), Arão Noe, deklara, ohin kuarta  (15/8/18) PN V lejislatura ho membru VIII Governu konstitusional ínisia audiénsia ba Orsamentu Jeral Estadu (OJE) 2018 iha kada komisaun.

“Ohin (horiseik-red) ami komesa reuniaun ba OJE 2018 para ajenda, komesa aban (ohin-red) hahú audiénsia ho membru Governu sira iha kada komisaun,” Prezidente PN ba jornalista sira iha resintu uma fukun PN, Díli, Tersa (14-08-2018).

Nia esplika, tuir kalendariu prosesu audiénsia ho membru Governu iha kada komisaun ne’e durante loron 6, husi ne’e maka prepara relatoriu pareser ba komisaun C ne’ebé trata asuntu Finansas Públikas submete ba plenaria.

“Iha kalendariu katak por volta 6 dias audiénsia ba komisaun sira, depois sei prepara relatoriu pareser komisaun C sei submete mai iha plenaria, depois debate iha jeneralidade loron 2, ba espesialidade loron 5 no final global, ikus liu prepara redasaun final no enkamiña ba PR Lú Olo promulga, mais tardar dia 10 de Setembro enkamiña ba PR,” haktuir Xefi Lejislativa PN, Arão Noe.

Husi sorin seluk, Ministru Reforma Lejislativa no Asuntu Parlamentar (MPLAP), Fidelis Magalhães hateten, Governu hato’o pedidu ba debate OJE 2018 ho karakter urjensia, tanba tempu ejekusaun  limitadu liu.

“Ita husu debate OJE 2018 ho karakter urjensia, tanba tempu, sé ita halo prosesu sira ne’e hotu tuir ninia dalan normal ne’e sei hán tempu naruk, maibé ita hela de’it fulan hira de’it ona tinan 2018 remata, ne’ebé ita presiza OJE 2018 ne’e ho karakter urjensia,” relata Fidelis Magalhães.

Entretantu antes projetu lei OJE 2018 ne’e pasa ho karakter urjensia, hetan krítikas makaas husi deputadu bankada opozisaun FRETILIN no PD balun, tanba tuir sira la rajuavel wainhira OJE 2018 ne’e debate durante tempu badak, ho rajaun públiku no povu Timor-Leste hakarak hatene klean kona-bá prosesu ejekusaun OJE husi VIII Governu konstitusional.

Projetu lei OJE 2018 husi VIII Governu konstitusional ne’e pasa ho karakter urjensia, liu husi rezultadu votasaun iha uma fukun PN ho votus a favor 40, kontra 0 no abtensaun 24. ves


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker