GMN TV Politika PD kontra Governu uza OJE selu projetu illegal 142

PD kontra Governu uza OJE selu projetu illegal 142

0 views

Bankada Partidu Demokrátiku (PD) iha Parlamentu Nasional la konkorda, ho Governu utiliza Orsamentu Jeral Estadu (OJE) 2018, ba selu projetu ilegal sira hamutuk 142.

Bankada PD konkorda VIII Governu selu projetu sira ne’ebé mak emprezáriu Timor-oan sira halo tiha ona, ho sira-nia osan rasik, maibé la konkorda selu dívida sira, liu-liu projetu 142 ne’ebé konsidera ilegal ne’e ho OJE 2018. Tanba tuir PD, projetu sira ne’e la tama iha planeamentu orsamental.

Deputadu Adriano do Nascimento deklara, projetu 142 ne’ebé iha VI Governu nia mandatu ne’e, seidauk hetan aprovasaun husi PN, no seidauk hetan mós promulgasaun husi Prezidenti Repúblika.

 “Ha’u-nia pozisaun mak ne’e, Governu tenki selu projetu hirak ne’ebé, emprezáriu sira halo tiha ona ho sira nai osan rasik, maibé ha’u la aseita VIII Governua tu selu projetu 142 ho osan millaun US$ 345, ne’ebé halo hotu ona iha ukun VI Governu nian,” katak Adriano do Nascimento, iha PN.

Adriano dehan, nia iha razaun fundamentu 5 atu rezeita ida ne’e, ida mak projetu 142 ne’e, seidauk tama iha faze planeamentu orsamentasaun no aprovasaun iha Parlamentu Nasional, no promulgasaun husi Prezidenti Repúblika.

Adriano esklarese, Diretor Sekretáriadu Grande Projetu mós fó ona informasaun ba Parlamentu Nasional katak, projetu 142 ne’e, tama iha kategoria projetu foun, no seidauk tama iha faze planeamentu orsamentasaun.

 “Diretur Sekretáriadu Grande Projetu mós informa katak, projetu hirak ne’e, hetan ona aprovasaun husi KAFI, maske seidauk halo kontratu ho emprezariu sira,” katak Adriano.

Nia afirma, projetu sira ne’e, kontra lei infra-estrutura, lei jestaun finanseira, no lei orsamentu jeral 2018.

Adriano do Nascimento konsidera, Orsamentu Jeral Estadu 2018, hatudu kontaminasaun ego polítika ba aktu no óbra polítika governativa.

 “Orsamentu ida ne’e atu hakotu rejime duodésimu hodi hatur hikas rejime orsamental normal, no atu rezolve impase polítiku 2017 no 2018. Tuir ha’u nia hanoin katak, impase polítiku no aplikasaun rejime duodésimu, mosu tanba polítika des-valorizasaun ba malu, satan malu no hatun malu. Sim ita hatun malu ho lei no konstituisaun, sim ita hatun malu tanba demokrásia ho prinsipiu maioria no minoria, maibé motivu hatun malu ho sentimentu gosta ou la gosta, orgullu pesoal ou grupu mak habot ego polítiku ne’ebé kontamina aktu no obra polítika governativa, nune’e hamosu  des-integrasaun sosial no polítika, hodi hamihis valor sivilizasaun sosiedade Timor-Leste,”katak Adriano do Nascimento iha nia intervensaun iha debate OJE 2018 iha PN.

 “Iha razaun fundamental tolu mak lori ha’u hodi hateten nune’e, ida mak, utilizasaun osan millaun US$ 70 iha rejime duodésimu iha VII Governu nia ukun, la inklui iha OJE 2018. VIII Governu ignora totalmente espíritu  konstituisaun artigu 145 alinea 2 kona ba diskrisaun reseitas no despezas, no lei jestaun finanseira artigu 31 alinea 2. VIII Governu ladun iha sensibilidade  polítika no sosial, hodi haree impaktu negativu ne’ebé haketak obra polítika VII Governu nian, ho VIII Governu iha rejime duodesima iha OJE 2018, tanba prátika polítika jurídika ida ne’e, bele haklean liu tan des-integrasaun polítika no sosial, ho fukun impase polítika iha futuru,”  katak Adriano.

Hatan ba preokupasaun ne’e, Primeiru Ministru, Taur Matan Ruak, hateten, Governu tenki halo pagamentu ba projetu 142 ne’e, tanba projetu ne’e halo tiha ona.

PM Taur mos hateten, forma di’ak hakotu impase polítiku maka, deputadu sira tenki unidade, ne’ebé sai nu’udar tradisaun ida ba Timor-oan atu hakotu problema dezintendimentu.

Tanba ne’e Governu presiza tebes Parlamentu Nasional nia apoiu liu husi Orsamentu Jeral Estadu ida ne’e. .cos


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker