GMN TV Politika PM Taur: Governu lahanoin atu hasai funsionáriu kontratadu

PM Taur: Governu lahanoin atu hasai funsionáriu kontratadu

0 views

Primeiru Ministru (PM), Taur Matan Ruak, hateten, Governu sei buka atu rezolve problema funsionáriu kontratadu sira nian, maibé Governu laiha hanoin atu hasai ema ida husi nia servisu.

Tuir Taur Matan Ruak, bainhira hasai ema ida husi nia servisu,  signifika aumenta tan problema ba povu no nasaun.

PM Taur Matan Ruak hateten, Governu seidauk hanoin atu hasai funsionáriu kontratadu ida husi nia servisu.

“Ita iha problema ne’ebé ita tenki rezolve, maibé dalan halo nusa mak ita atu rezolve, ida ne’e kestaun ida ami sei estuda, tanba iha Ministériu balu ne’e ema barak liu duke atividade. Maibé ita labele hanoin katak, ita atu hasai ema sira ne’e, tanba ita hasai sira, hanesan ita hasai paun iha sira nia oan sira nai liman, maibé Estadu labele premiti ema nain tolu hat halo servisu ida de’it,” katak Taur Matan Ruak iha nia intervensaun ba debate OJE 2018 iha PN, Kuarta (29/08).

Xefi Governu ne’e dehan, ida ne’e la’os servisu ida ne’ebé fasil, maibé Governu sei estuda hodi buka solusaun ba problema ida ne’e.

“Saláriu minimu ne’e, ha’u hanoin kestaun ida ne’ebé ita tenki diskuti, mas karik ita bele halo estudu kona ba kustu de vida, para ita nia aumentu ne’e bele iha lojika no rasionalidade ida, ha’u hanoin ne’e diak liu,” katak PM Taur.

Xefi Governu ne’e dehan, durante ne’e tanba seidauk iha analiza ida kona ba kustu de vida, entaun aumentu ne’e, nia tendensia halai liu ba sira ne’ebé osan bo’ot ona.

“Entaun ita nia hanoin ne’e oinsa atu aumenta ida ne’ebé baziku ne’e, entaun ami tau antesaun los ba preokupasaun ida ne’e,” katak PM Taur.

Xefi Governu ne’e esklarese informasaun ne’e hodi responde kona ba funsionáriu kontradu sira ne’ebé ameasadu atu lakon sira nia servisu.

Total Funsionariu Públiku (FP) oras ne’e dadaun hamutuk rihun nen nolu, kompostu husi funsionáriu permanente rihun rua nolu resin hitu no kontratadu hamutuk rihun tolu nolu resin tolu.cos


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker