GMN TV Politika PM Taur husu DPJ foun asegura segredu justisa

PM Taur husu DPJ foun asegura segredu justisa

0 views

VIII Governu ne’ebé lidera husi Primeiru Ministru (PM), Taur Matan Ruak, nomeia Câncio Xavier hodi troka Sergio Hornai ba Defensor Públiku Jeral (DPJ), ba mandatu tinan hat.

Iha diskursu ba seremonia tomada de posse ne’ebé hala’o iha Palasiu Governu, Primeiru Ministru Taur Matan Ruak, husu ba Defensor Públiku Jeral, Câncio Xavier atu asegura servisu defensoria públiku ho responsabilidade.

“Husu ba Defensor Públiku Jeral, Câncio Xavier, kontinua asegura ho responsabilidade servisu defensoria públika, no kontinua servi ita-nia Estadu,” katak Taur Matan Ruak iha nia diskursu ba seremonia tomada de posse ba Câncio Xavier iha Palasiu Governu, Sesta (24/08).

PM Taur mós apresia servisu ne’ebé mak Defensor Públika Jeral sesante, Sergio Hornai,  halo tiha ona durante nia mandatu.

Taur haktuir, poder final ba nomeasaun ida ne’e, dignifika tebes organizasaun sistema nasional justisa, tanba asesu justisa iha tribunal sira, konsagra ona iha Konstituisaun Repúblika Demokrátiku Timor Leste.

Xefi Governu ne’e dehan, kriasaun instituisaun defensoria públika ne’e, instrumentu fundamental no inkluzaun sosial ida, atu públiku bele asesu ba servisu bazika justisa iha Timor Leste.

Entretantu Defensor Públiku Jeral foun, Câncio Xavier promete sei fó asistensia justisa ba Timor-oan hotu, ne’ebé presiza defensoria públika nia tulun, tanba defensoria públiku ejiste atu fó asistensia justisa ba povu. Câncio Xavier hateten tan katak, setór justisa presija haforsa iha área oi-oin.

“Tanba ita ko’alia kona ba setór justisa ne’e, ita lahatete de’it dehan katak, tenki ba tuir julgamentu iha Tribunal, maibé setór justisa ne’e, tenki haree infra-estruturas atu fó espasu ba defensor sira atu bele hala’o  servisu no asegura segredu professional nian,” relata Câncio.

Nia dehan, presiza promove mós profisionais sira atu sira bele halo servisu ida ne’ebé tuir públiku nia hakarak. Prosesu hotu nia kanal ba iha Defensoria Públika, entaun presiza investimentu bo’ot iha área rekursu humanu.

“Oinsa ita bele servisu fó asistensia jurídika no extra juridisial ba to’o povu sira ne’ebé hela dok husi tribunal sira, entaun ita presiza ema, orsamentu no harmonizasaun kona ba leis. Ita hotu hatene katak, Defensoria públiku ne’e eziste atu fó asistensia  jurídika no extra-jurisial ba povu ne’ebé laiha kbi’it atu bele selu  advogadu privadu,” katak Câncio.

Tanba ne’e, Câncio fiar katak, kualker Governasaun inklui VIII Governu konstitusional, sei  fó apoiu nafatin ba defensoria públika ne’ebé sai hanesan pilares importante ida iha área justisa.

“Programa sira ne’ebé Governu trasa, inklui setór justisa ne’e, hanesan setór principal atu bele fó apoiu ba ita nia sidadaun sira, tanba iha Konstituisaun da Repúblika mós hateten ona katak, labele nega justisa ba ema seluk, tanba de’it rasa, koor no seluk tan,” katak Câncio.

Tanba ne’e, Câncio dehan, promete sei fó asistensia justisa ba Timoroan hotu, ne’ebé presiza defensoria públika nia tulun.cos


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker