GMN TV Politika PN APROVA ONA OSAN PRIVATIVU US$ MILLAUN10

PN APROVA ONA OSAN PRIVATIVU US$ MILLAUN10

0 views

Parlamentu Nasionál (PN) V lejislatura, liu hosi plenária estraordinária Sesta (03/08/2018), aprova ona orsamentu privativu PN nian ho montante US$ millaun 10 hodi rekomenda ba VIII Governu atu aprezenta hamutuk iha lei Orsamentu Jeral Estadu tinan 2018 nian.

Durante plenária, deputadu V Lejislatura, hahú diskute no aprovasaun iha jeneralidade no espesialidade, no kontinua kedas diskute no aprova iha final global ba lei nú 8/V (1ª) aprova planu  asaun orsamentu Parlamentu Nasionál ba tinan 2018, ho votus a favor 40, kontra 0 no abstensaun 3.

Iha okaziaun ne’e, Sekretariu Jeral Parlamentu Nasionál, Adelino de Jesus, esplika, orsamentu privativu ne’ebé Parlamentu rekomenda ho montante US$ millaun 10 sei aloka de’it ba nessesidade importante ba orgaun lejislativu ne’e, hanesan saláriu vensiementu hamutuk US$ millaun 5 liu, ba bens servisu US$ millaun 4 no fundu tranferensia hamutuk US$ millaun 1.

“Saláriu vensimentu iha tinan 2017 aloka US$ millaun 5 liu, maibe iha 2018 mós total previzaun ne’e sei kontinua mantein de’it US$ millaun 5, tanba estrutura foun ne’ebé LOFAP aprova, seidauk tama iha vigor, konaba bens servisu iha 2017 aloka US$ millaun 7, iha 2018 tun ba US$ millaun 4 liu, konaba transferensia iha 2017 aloka US$ millaun 930, ne’ebé subsidia ba bankada Parlamentares 4 iha IV lejislatura, iha 2018 US$ millaun 1 liu ne’ebé sei subsidia bankada Parlamentares 7 iha V lejislatura nian, kapital despezas  2017 aloka US$ millaun 3 liu, maibe iha 2018 la inklui, tanba periodu ezekusaun ba OJE 2018 ne’e limitadu tebes, tanba orsamentu ne’ebé rekomenda husi ministerium finansa mós la inklui kapital menor ho kapital dezenvolvimentu,”aprezenta Sekretariu Jeral PN, Adelino de Jesus iha prosesu diskusaun orsamentu ne’e.

Sekretariu jeral (SEKJER) Parlamentu ne’e relata, orsamentu privativus PN nian ba 2018, tau prioridade liu ba nessesidades bázika PN nian, tanba tempu ezekusaun limitadu.

Orsamentu privativu PN nian US$ millaun 10 ne’e mós la inklina atu sosa transporte ruma ba deputadu V lejislatura.

“Nessesidade bázikas loloos mak bens servisu ne’e, hanesan limpeza iha PN, material eskritoriu, snack, Catering no seluktan, maibe kestaun asesores ne’e la’os nessesidade bázika, ita lahalo rekrutamentu ba asesores foun, maibe sei mantein de’it ho asesores sira atual ne’e, liu-liu internasional, sira nia kontratau ne’e to’o de’it 31 Dezembru tinan ne’e, tanba ne’e, asuntu asesores tau ses tiha husi nessesidade bázikas, iha durante konsellu administrasaun deputadu balun kontra tebes montante USD 10 milloens ne’e, no hakarak ita uja de’it montante US$ millaun 9 liu ne’ebé governu rekomenda, maibe realidade, nessesidade bázikas fundamentais ne’ebé atu garante funsionamentu orgaun PN nian de’it mak tau iha ne’e, ba  viajen lokal no estranjeiru inklui nessesidade fora husi orgaun lejislativu nia retira, viajen estranjeiru nian, so inklina de’it ida ne’ebé ajenda iha Outubru tinan ne’e,  depois ho fundu rezerva id aba konvite viajen ne’ebé mai husi estranjeiru, ne’e mak inklina iha bens servisu”esplika Adelino de Jesus.

Adelino de Jesus informa, sekretariadu PN relata ona rezultadu konsellu administrasaun ba Ministeriu Finasa Planu (MPF) konaba komponente ne’ebé Parlamentu sei aloka uza US$ millaun 10 ne’e, antes diskute no aprova iha plenária.

“Sekretariadu fornese tiha ona dadus ba iha Governu, desde iha 31 fulan Jullu ho autorizasaun husi Prezidente PN, tanba iha situasaun ida ne’ebé ita presija halai tuir urjensia nian, maibe ne’e hanesan dokumentu informa para hodi halo servisu nian ba Ministeriu planu finaseira, para bele hatene komponente saida de’it mak PN propoin ho total ida US$ millaun 10 liu ne’ebé aprova iha konsellu administrasaun,”relata Adelino.

Alende ne’e, Prezidente Parlamentu Nasionál (PPN) Arão Noe de Jesus Amaral, hateten, projeitu nú 8/V (1ª) aprova planu  asaun orsamentu Parlamentu Nasionál 2018 ne’e, nia parte despaixa ho karater urjensia, hodi nune’e bele aselera prosesu ho lalais.

“Governu aprova ona planu orsamentu ba 2018 nian, tanba ne’e Parlamentu mós tenke konklui nia orsamentu para bele enkaminha ba Governu para bele enkuadra iha planu orsamentu jeral estadu 2018 nian, nune’e bele submete mai Parlamentu Nasionál, tanba ne’e mak ami halo despaisu ho karater urjensia,  para ita bele konklui prosesu ne’e ho lalais, hodi bele priense funsionamentu orsamentu nasionál 2018 nian, liuhosi orsamentu jeral estadu ida, nune’e ita bele sai husi rejime duodésimal nian, bainhira orsamentu ne’e tama iha vigor,”dehan Arão Noe.

Antes ne’e, Governu rekomenda montante orsamentu ba PN liu hosi envelope fiskal US$ millaun 9, maibe Parlamentu Nasionál tetu la sufisiente. Tanba ne’e, konsellu administrasaun PN deside ba montante US$ millaun 10 liu.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker