GMN TV Politika Povu RAEOA husu ukun nain hakotu impasse polítiku

Povu RAEOA husu ukun nain hakotu impasse polítiku

0 views

Impasse polítiku la’o kleur tebes ona, la’os deit afeta ba povu sira ne’ebé mak hela iha kapital Díli, no Munisípiu sira seluk iha Timor Leste, maibé impase polítiku ne’e, afeta mós ba povu Oe-cusse nia moris lor-loron.

Povu Oe-cusse sente la seguru iha sira nia moris lor-loron, tanba haree ba ukun na’in sira laiha unidade maibé fahe malu fali  iha tempu ukun rasik-an.

Ho ida ne’e, povu Oe-cusse husu ba ukun na’in sira atu tur hamutuk, hodi hakotu lalais impasse polítiku ne’e, para halo dezenvolvimentu no hadia povu nia moris.

 “Ami husu ba lider polítika sira hanesan, Xanana Gusmão, Mari Alkatiri, Prezidenti Repúblika, Lú Olo, no Primeiru Ministru, Taur Matan Ruak, imi tu’ur hamutuk ba, polítika ne’ebé liu tiha ona, imi tenki hamutuk para aprova orsamentu ba ita nia nasaun Timor Leste, tanba povu kaer hela imi nia komprimisu ne’ebé mak hato’o tiha ona iha tempu kampaña,” dehan Francisco Ais.

Nia dehan, Prezidenti Repúblika hanesan aman ba nasaun, tenki sai aman ba povu tomak, labele sai aman ba grupu ida de’it.

“Komunidade iha Suku Costa, barak mak seidauk asesu ba eletrisidade, povu hotu iha direitu atu hetan eletrisidade. Ha’u foti ona dadus kona ba komunidade sira ne’ebé mak seidauk hetan eletrisidade, dadus ne’e ha’u foti iha tempu seidauk eleisaun antesipada, maibé to’o agora seidauk responde, lahatene tanba osan mak laiha ka oinsa,” dehan Francisco Ais.

Tanba seidauk asesu ba eletrisidade, entaun lor-loron komunidade sira ezije nafatin atu eletrisidade tenki tama lalais, tanba povu kaer ukun nain sira nia liafuan katak, buat hotu tenki susesu ba povu, hanesan bee moos, estrada no eletrisidade.

“Agora ita eleisaun antesipada hotu ona, AMP mak forma Governu ona, programa pasa tiha ona, no orsamentu duodesimu ne’e mós haruka ona ba Prezidenti Repúblika, maibé ami husu ba Prezidenti Repúblika, tanba saida mak osan ne’e la promulga. Ami husu Prezidenti Repúblika atu lori kargu ida de’it hanesan Prezidenti Repúblika, labele lori kargu ida tan hanesan Prezidenti partidu, ida ne’e ami povu lakohi,” afirma Francisco Ais.

Nune’e mós, komunidade Elena Abi husu ba ukun nain sira iha nasional atu tau matan ba povu Oe-cusse, tanba lideransa Autoridade RAEOA halo povu la vale.

“Lideransa sira husi nasional tenki mai haree povu Oe-cusse, tanba Oe-cusse ne’e la’os Rejiaun Espesial, maibé Rejiaun sial, tanba ami povu sial ba bebeik,” dehan Elena.cos


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker