GMN TV Politika PR Lú Olo: Subtitui kandidatu membru Governu nain 9, ha’u foin fo pose

PR Lú Olo: Subtitui kandidatu membru Governu nain 9, ha’u foin fo pose

0 views

Prezidenti Repúblika (PR), Francisco Guterres ‘Lú Olo’, deklara, lista kandidatu membru Governu nain 9 ne’ebé seidauk simu pose, solusaun mai husi partidu koligasaun AMP nian,  maibe kuandu laiha substituisaun ba sira nain 9 ne’e mak tomada de posse mos sei la akontese.

“Kona-ba lista membru Governu nain 9, ne’e solusaun husi partidu koligasaun ninian, no la’os solusaun Prezidenti Repúblika ninian, maibe ha’u hakarak atu hatete  deit, atu rezolve solusaun  sira nian 9 nian ne’e mak  diak liu ka?  solusaun Nasaun nian mak diak liu. Se kuandu iha ona substituisaun ba membru Governu nain 9 ne’e, prontu atu  fo pose, no sei la iha problema ona”,katak PR Lú Olo ba Jornalista sira iha Kuartel Jeneral Fatuhada Dili, Segunda (20/08/2018), hafoin remata komemorasaun aniversáriu  FALINTIL nian ba dala 43.

Entretantu iha loron 13 fulan Agusto tinan 2018, liu  husi karta  Gabineti Prezidenti Repúblika,  aseita nomeia ona membru Governu nain 3,  ne’ebé indijita husi Primeiru Ministru, Taur Matan Ruak, mak hanesan, Ministru Planeamentu no Investimentu Estratéjiku Samuel Marçal, Ministru Petroleo no Rekursu Minerais, Alfredo Pires, no  Sekretáriu estadu Peska, Rogerio Mendonça.

Antes ne’e iha loron 15, fulan Agostu ne’e, Primeiru Ministru, Taur Matan Ruak, haruka karta adiamentu ba Prezidenti Repúblika, Francisco Guterres ‘Lu-Olo’ hodi adia tomada de posse ba membru Governu nian 3 ne’e,  ho razaun katak kandidatu membru Governu nain tolu mak hato’o pedidu ba Xefi Governu hodi mantein sira-nia solidariedade ba maluk nain 9 seluk ne’ebé seidauk simu pose husi Prezidenti  Repúblika, ho razaun tamba balu iha hela kazu iha Tribunal. Maibe Prezidenti AMP, Kay Rala Xanana Gusmão, foin lalais liu husi konferensia ba imprensa hatete, Tribunal hasai sertifikasaun ida ne’ebé hatudu momoos katak laiha rejistu kriminal ruma hasoru individu nain 9 (sia), hanesan PR Lu Olo dehan.

Sira nain 9 ne’e mak hanesan, Francisco Kalbuadi Lay, Amandio Benevides, António Verdial, Nelson Turquel, Helder Lopez, Sergio Lobo, no seluk tan. Maske nune’e sira nain 3 seluk hetan adiamentu tamba fo solidareidade ba sira-nia maluk sira mak hanesan, Alfredo Pires, Samuel Marçal, no Rogerio Mendonça.Oly


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker