GMN TV Politika Relatóriu OJE seidauk rekolla hotu ■Aban diskute jeneralidade

Relatóriu OJE seidauk rekolla hotu ■Aban diskute jeneralidade

0 views

Komisaun C Parlamentu Nasionál (PN) seidauk rekolla hotu relatóriu pareser kona-ba audiénsia públiku ba Orsamentu Jeral Estadu (OJE) 2018 entre Governu ho komisaun espesializada permanente 7 ne’ebé hala’o durante loron 6 husi loron 14 to’o 21 fulan Agostu ne’e.

Tanba ne’e, ajenda atu diskute Orsamentu Jeral Estadu (OJE) 2018 iha faze jeneralidade ne’ebé tuir planu sei diskute durante loron rua ne’e, posibilidade sei hahú iha Tersa loron 28 fulan ne’e.

Tuir ajenda ne’ebé planeia husi Parlamentu, diskusaun OJE iha jeneralidade atu hahú iha Segunda, loron 27 fulan ne’e.

Relasiona ho rekollamentu relatóriu ne’e, jornalista sira tenta konfirma ho Prezidente komisaun C, Fernanda Lay, maibe nia parte lakoi atu fó komenatriu barak, tanba okupadu hela rekolla relatóriu husi komisaun sira seluk hodi prepara atu aprezenta ba plenária hodi diskute.

“Ami agora okupadu hela, hein hela komisaun sira atu entrega relatóriu mai, tanba ne’e, imi (jornalista) sira hein de’it to’o iha Prezidente mak fó informasaun,”dehan deputada Fernanda Lay iha PN, Sesta (24/08/2018).

Alende ne’e, Prezidente Komisaun A asuntu Justisa no Konstitusional, Carmelita Caetano Moniz relata ona, nia parte ho nia membru komisaun entrega ona relatóriu pareser ba komisaun C hodi aprezenta ba meja plenaria, hafoin halo votasaun ho unanimidade iha komisaun A rasik.

Antes ne’e, Prezidente Parlamentu Nasionál (PPN), Arão Noe de Jesus da Costa Amaral, informa, ajenda loloos prepara ona atu halo diskusaun OJE iha jeneralidade mak Segunda semana ne’e, bainhira komisaun C rekolla hotu no aprezenta ona relatóriu pareser ba plenaria.

Maibe nia dehan, se iha Segunda dader mak komisaun C konsege konklui nia relatóriu, posibilidade plenária hahú iha parte lorokraik, maibe karik lakonsege nafatin, ajenda adía ba hahú fali iha loron Tersa semana ne’e.

Tuir planu ajenda, Parlamentu Nasionál sei halo diskusaun ba Orsamentu Jeral Estadu iha jeneralidade durante loron 2, no iha espesialidade duarnte 5, hafoin tama iha faze final global hodi halo votasaun no sei entrega ba Prezidente Repúblika, Francisco Guterres Lú Olo’’ atu promulga ka veta tuir kompetensia ne’ebé hatúr iha konstituisaun RDTL.Say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker