GMN TV Politika TR SUJERE PN HALO APRESIASAUN BA LFP ■PR LA VETA

TR SUJERE PN HALO APRESIASAUN BA LFP ■PR LA VETA

0 views

Prezidente Parlamentu Nasional (PN), Arão Noe, deklara, horibainrua (31/7) Tribunal Rekursu (TR) fó notifikasaun ba PN hodi halo apresiasaun preventiva bá proposta Governu Lei Fundu Petróliferu (LFP) ne’ebé husu atu foti osan fundu petróliferu hodi responde funsionamentu mákina Estadu, tanba PN maka sai autor ba aprovasaun proposta Governu LFP.

“Horiseik (horbainrua-red) TR notifika PN hanesan autor ba aprovasaun dekretu parlamentar númeru 1/V kona-bá proposta Governu Lei Fundu Petróliferu (LFP) ne’ebé husu atu foti osan fundu petróliferu hodi responde funsionamentu mákina Estadu no tuir lei TR fó ba PN loron 4 atu fó resposta, maibé tuir loloos konstituisaun hateten tempu ne’e mais de 20 dias,” Prezidente PN, ba jornalista sira iha meja gabineti Prezidente PN, Díli, Kuarta (01-07-2018).

Nia akresenta, tuir konstituisaun RDTL, artigu 49, númeru 2, Prezidente Repúblika (PR), Francisco Guterres ‘Lú Olo’ husu bá TR atu aprova proposta Governu LFP ne’e durante loron 10 nia laran no tempu ne’ebé TR fó bá PN maka loron 4 nia laran hodi halo apresiasaun preventiva.

“Dekretu PR husu apresiasaun preventiva husi TR ne’e fó 10 dias, ba PN TR fó 4 dias, tanba ne’e ami kompromete katak mais tarde Sesta (3/8) ami nia resposta klarifikasaun ba TR, tanba ami konsidera karakter ne’e urjensia duni, tanba orsamentu iha kofre Estadu mamuk, entaun tenki fó autorizasaun ba Governu halo levantamentu osan iha fundu petrolíferu,” haktuir Arão Noe.

Tuir Prezidente PN ne’e hateten, karik dekretu parlamentar númeru 1/V ne’e maka la pasa, Estadu tomak sei senti ninia konsekuensia, hein katak TR sei foti desizaun la-lais, atu nune’e Governu bele halo jestaun imediata hodi prense jestaun finanseira ba nesesidade funsionamentu makina Estadu.

“Atu klarifika ba públiku katak PR la veta proposta Governu bá LFP, maibé PR invoka artigu 149 konstituisaun, númeru 1 hateten PR bele husu ba tribunal supremu justisa nian, atu halo apresiasaun preventivu kona-bá konstitusionalidade ba naran diploma ida ne’ebé nia simu, atu halo promulgasaun,” klarifika lider máximu PN ne’e.

Tuir deputadu bankada Partidu Demokrátiku (PD), Adriano do Nascimento hateten, tanba PR Lú Olo senti laiha serteza bá proposta Governu LFP, tanba ne’e Xefi Estadu ne’e husu TR maka sei foti desizaun ba proposta Governu refere.

“PR Lú Olo ema ne’ebé garante konstituisaun Estadu, ne’ebé kuandu nia senti katak ninia análiza la to’o no senti laiha serteza, atu tetu entre ozisaun ho AMP susar atu desidi, entaun dalan ikus liu ita hein TR atu desidi halo nusa no lejislador, Governu, sosiedade no komunidade sira bele halo interpretasaun, maibé dalan ikus maka TR,” relata Adriano do Nascimento.

Entretantu dau-daun ne’e hela de’it 20 milloens, ho nune’e maka VIII Governu kria proposta LFP karakter urjensia, ne’ebé pasa ona iha PN, ho ninia objetivu atu responde imediata funsionamentu mákina Estadu.ves


Banner

Foto

Notisia Ikus

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...

PR Ramos Horta sei halakon LPV iha tinan 2023

June 24, 2022
Prezidente Repúblika (PR), José Ramos Horta, h...

To’o agora deputadu barak la hatene ko’alia Portugés

June 23, 2022
Maske Timor-Leste ukun-an tinan 20 ona, maibé p...
1 2 3 739

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker