GMN TV Politika Aniceto Guterres la entende estudante sira-nia ezijénsia

Aniceto Guterres la entende estudante sira-nia ezijénsia

0 views

Prezidente Parlamentu Nasionál (PPN), Aniceto Guterres, hatete nia parte la entende saida mak estudante nia hakarak ho demonstrasaun ne’ebé estudante sira halo, liu-liu ezijensia estudante sira nian kona-ba pagamentu subsídiu ba estudante iha estranjeiru no propinas ba estudante iha rai-laran.

“Ha’u seidauk entende diak saida mak estudante sira nia hakarak, iha estudante balun ezije kona-ba pagamentu subsídiu, no agora balun ezije tan kona-ba propinas, ha’u la hatene ida ne’ebé mak los no ha’u lakoi komenta ba ida ne’e”, dehan PPN, Aniceto Guterres, ba Jornalista sira Segunda (17/08/2020) hafoin hasoru malu ho Prezidente Repúblika, Francisco Guterres “Lú Olo”, iha Palásiu Prezidensiál Bairo-Pite, Díli.

PPN haktuir, tuir lei ne’ebé preve estudante ka ativista sira iha direitu  atu hato’o sira nia ezijensia liuhosi asaun demonstrasaun.

“Ema dehan estudante kuandu ativista, ida ne’e ativista ba interese Estadu, maibé sira ne’e la’os ativista tanba ativista buka interese sira nian, entaun ha’u nia sujestaun tenke no tetu diak tanba sei estudante hotu iha Timor mak ezije hanesan iha situasaun covid-19, entaun osan hirak mak ita atu hasai tanba estudante balun ne’ebé seidauk forma família maibé sira simu ona subsidiu 200 dolar hosi governu”, afirma Aniceto Guterres.

Nia dehan, Parlamentu la halo polítika iha dalan, maibé se bainhira estudante sira hato’o sira kestaun liu hosi deputadu hodi koloka iha PN ruma ou haruka karta petisaun mai iha PN ida ne’e prosesu, tanba PPN iha dever tomak atu enkimina ba Komisaun relevante  no governu atu buka solusaun.

“Agora estudante sira hakilar ba Parlamentu oin nusa atu ajuda ka lae, ha’u la hatene atu ajuda hosi ne’ebé tanba depende mós ba nia asuntu, ha’u rona  deit sira nia demostrasaun maibé seidauk simu buat ida kona-ba saida mak sira nia hakarak. Agora sei eskola sira laiha aula mak selu propinas ida ne’e mós sai problema no governu tenke haré tanba to’o agora PN seidauk simu informasaun ida klaru,”tenik nia.Fel


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker