GMN TV Politika APORTIL sei promove Timor-oan 40 sai tripulante ba ró Nakroma

APORTIL sei promove Timor-oan 40 sai tripulante ba ró Nakroma

0 views

Prezidente Konselhu Administrasaun Portu Díli (APORTIL), Flavio Neves, hatete APORTIL iha planu atu promove Timor-oan 40 sai Kapitaun no tripulantes ba ró Nakroma 1 no 2, maibé presiza orsamentu atu bele implementa planu refere.

“Desde tinan 13 ona, ita hatene muito bem to’o agora seidauk iha Timor-oan ida sai Kapitaun no tripulantes atu jere ró Berling Nakroma”, dehan Prezidente APORTIL, Flavio Neves, ba JN-Diário Tersa (04/08/2020) iha Portu Díli.

Prezidente APORTIL haktuir, APORTIL halo ona esforsu hodi promove Timor-oan sai Kapitaun hodi lori rasik ró Berling Nakroma, maibé esforsu no programa ne’ebé APORTIL iha labele implementa tanba orsamentu laiha.

“Ha’u espera katak, Orsamentu Jeral Estadu (OJE) 2021 aprova, ami bele promove ona Timor-oan hodi sai Kapitaun atu bele jere rasik ró Nakroma liu-liu sai tripulantes, tanba oras ne’e iha sidadaun Indonezia hamutuk 17 mak jere hela ró nakroma, afirma Flavio Neves.

Nia subliña, APORTIL bele idenfika fatin ne’ebé mak ita sei presiza sidadaun estranjeiru atu bele mantein servisu iha Nakroma, maibé fatin seluk komesa promove Timor-oan tanba laos Timor-oan laiha kapasidade maibé ita tenke loke oportunidade hodi promove sira.

“Ha’u hanoin planu ba ida ne’e preparadu maibé labele realiza tanba orsamentu, tanba atu hapara ema no atu rekruta ema foun presiza orsamentu  ne’ebé garantidu katak, ema mai servisu ita tenke fó salariu. Hanesan preokupasaun ne’ebé eis Prezidente José Ramos Horta, fó diak tanba fanun ita atu bele fó prioridade ba Timor-oan bele jere ró Nakroma”.

La’os ba ró Nakroma 1 deit maibé, ami mós hanoin prepara Timor-oan atu sai tripulantes  ba Nakroma 2, tanba Nakroma 2 iha loron 20 fulan Agustu tinan 2021 sei to’o Timor entaun ita presiza prepara no rekruta Timor-oan ho mekanizmu ne’ebé diak hodi haruka sira direita ba fatin produs ró hodi aprende tomak prosesu no iha koñesimentu diak  molok ró Nakroma 2 mai sira mak sei jere, haktuir Flavio Neves.

Prezidente APORTIL hatutan, iha ona Timor-oan hamutuk 20 mak oras ne’e APORTIL prepara hela maibé atu realiza hodi promove sira presiza orsamentu, tanba ne’e ami espera ho OJE 2020 no 2021 pasa, ami bele promove sira ba sai tripulante iha Nakroma 1 ou 2 tanba Timor-oan barak mak eskola konaba ró maibé sira seidauk hetan oportunidade atu sai Kapitaun no tripulante ba ró Timor nian rasik.

Desde inisiu ejistensia ró Nakroma iha tinan 2017, ema ne’ebé servisu iha ró Nakroma 1 hanesan Kapitaun no tripulantes, mai hosi sidadaun Indonezia hamutuk 17 hosi Kompañia Palmas no iha Timor-oan 5 akompañia deit, entaun APORTIL iha planu hodi implementa programa atu envolve Timor-oan servisu hotu iha ró Nakroma.Fel


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker