GMN TV Politika Assanami: Governu tenke realiza promesa fó subsídiu ba jornalista

Assanami: Governu tenke realiza promesa fó subsídiu ba jornalista

0 views

Deputadu bankada PD, Mariano Assanami Sabino, husu ba Governu atu realiza promesa ne’ebé antes ne’e hato’o ona katak sei fó subsídiu ba jornalista sira, tanba sira halo servisu iha liña frente durante Estadu Emerjénsia (EE) no surtu Corona Virus Disease 2019 (COVID-19).

“Ita tenke mantein fundu ida ba média sira, maibé to’o ohin loron média seidauk hetan, ha’u hanoin papél média importante tebes iha situasaun COVID-19”, Deputadu bankada PD ne’e liu husi ninia intervensaun polítika iha plenária estra-ordinária (11/8), bainhira PN halo konfirmasaun votu ho Governu, ba deklarasaun EE ne’ebé komisaun permanente autoriza ona PR dekreta iha loron 5, fulan Agostu ne’e.

Assanami akresenta, papél média ne’e importante tebes iha situasaun COVID-19, tanba sira mantein hodi fó informasaun ba públiku kona-bá COVID-19.

“Fundu ba média sira ne’e ita tenke mantein fó apoiu, tanba média barak durante COVID-19 susar tebes atu mantein ba oin, nune’e ho apoiu husi Governu ne’e importante tebes”, tenik Deputadu bankada PD ne’e.

Tuir Ministru Finansas, Fernando Hanjam, prosesu subsídiu ba jornalista nini’an ne’e agora sei iha faze trata nia legalidade.

Antes ne’e, Governu liu husi Konsellu Ministru (KM) aprova rezolusaun ida ne’ebé aprezenta husi Ministra Finansas interina, Sara Lobo Brites, kona-bá remuneratóriu ba profesionál sira ne’ebé dedika-an hodi halo prevensaun kona-bá COVID-19 iha Timor-Leste. ety


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker