GMN TV Politika Avelino Coelho: Bandu kareta Estadu labele tula povu ne’e kontra lei

Avelino Coelho: Bandu kareta Estadu labele tula povu ne’e kontra lei

0 views

Jurista Avelino Coelho hato’o asuntu ne’e, hafoin sai oradór prinsipál iha semináriu nasionál ho tema “Movimentu Patriotizmu Konstitusionál: Konsiensia Krítika ba Nasasun”, ne’ebé realiza iha resintu Universidade da Paz (UNPAZ), Díli Sábadu (08/08).

Avelino Coelho subliña, Estadu halo lei hodi bandu patrimóniu Estadu labele tula povu, ne’e kontra lei, no nia parte konsidera Estadu kontra lei no kontra argumentu polítiku sira ni’an kona-bá Estadu, tanba Estadu mak povu.

Tanba ne’e, Eis Konsellu Ministru ne’ebé defende mós pensamentu husi Marxista no Leninista ne’e dehan, konseitu Estadu mai husi povu, tanba ne’e husi povu mak iha Estadu.

“Segundu kestaun ema define dehan Estadu, Estadu ne’e mak bolu dehan organizasaun polítika do sidadaun, konseitu Marxista no Leninista dehan hanesan ne’e, “estadu é a minoria organizado para explorar a maioria”. Konseitu rua mak koalia kona-bá Estadu, Estadu ida dehan organizasaun polítika sidadaun define dehan Timor-Leste ne’e Estadu mak povu, povu mak Estadu, maibé halo fali lei dehan kareta Estadu labele tula povu no Estadu halo lejislasaun kareta Estadu labele tula povu, labele tula kondutór nia família, povu la’o iha estrada karik labele tula, mais ida ne’e hamosu kontradisaun de pensamentu polítiku no jurídiku, sé Estadu mak povu, povu mak Estadu, entaun nia mak na’in ba Estadu no nia mak parte integradu ba Estadu”, Avelino Coelho liu husi ninia diskursu iha Semináriu Nasionál refere.

Iha sorin seluk, Padre Martino Gusmão, sente triste wainhira haree estudante Timor-Oan barak estuda teoria husi nasaun seluk nini’ans.

Tanba ne’e, jurista ne’e enkoraza nafatin estudante universitáriu iha Timor-Leste tenke estuda teoria orijin husi Timor ni’an, hanesan Nicolau Lobato, Francisco Xavier do Amaral, Francisco Borja da Costa, no mós Kay Rala Xanana Gusmão ni’an.

“Ba estudante sira ha’u hato’o rasa kecewa boot tebes, imi hakerek iha fatin hotu-hotu tau iha ne’ebá Mahat Magandy, Che Guevara, Fidel Castro, di sini, di tempat ini ada Nicolau Lobato, ada José Alexandre Gusmão, ada Francisco Borja da Costa, ada Francisco Xavier do Amarál hanesan pensadór ne’ebé hahú halo konsiensia revolusionária, vijilánsia revolusionária no prátika revolusionária, tanba ne’e, hakarak sai Timor nia di’ak, patriotizmu tenke orgullu de ser um Timor no la’ós foto copy tun sa’e”, dehan Padre Martinho.

Padre ne’e mós afirma, Universidade iha Timor-Leste barak mak hanorin estudante sira ho teória husi nasaun seluk ni’an.

Tanba ne’e, jurista ne’e sujere ba universitáriu sira atu estuda livru no teoria ne’ebé produs husi matenek na’in Timor ni’an, nune’e bele sai sidadaun hatene loloos sistema demokrasia iha Timor-Leste.

Entretantu oradór prinsipál iha semináriu nasionál ne’e mak hanesan, Padre Martinho Gusmão, Padre Domingos Maubere, Fernando Gusmão no Jurista Avelino Coelho. san


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker