GMN TV Politika Avelino: Polítiku sira seidauk preparadu iha jogu ba poder

Avelino: Polítiku sira seidauk preparadu iha jogu ba poder

0 views

Jurista senior Avelino Coelho, hatete, konstituisaun RDTL 2002 ne’e konstituisaun ida liberal no di’ak teb-tebes. Maibe polítiku sira mak seidauk preparadu iha jogu konkorensia ba poder, la hanesan ho povu ne’ebé preparadu tebes ona iha jogu demokrátiku sira hanesan ne’e.

“Konstituisaun 2002 ne’e ba ha’u di’ak teb-tebes, adopta valores que la’os la di'ak, di’ak tebes, maibe la’os povu mak seidauk preparadu, polítiku sira mak seidauk preparadu iha jogu de konkorensia ba poderes, sira mak seidauk preparadu, partidu sira mak la preparadu no tau tan ba artigu 108, 109, 110, 111 konstituisaun RDTL, jogu demokrátiku ida que furak”, deklara Jurista Avelino Coelho hodi observa situasaun aktual bainhira sai orador prinsipál iha semináriu nasionál ho tema “Movimentu Patriotizmu Konstitusionál Konsiensia Krítika ba Nasasun” ne’ebé realiza iha resintu Universidade da Paz, Díli, Sábadu (9/8/2020).

Avelino Coelho, hatete, iha konseitu Estadu direitu demokrátiku, Estadu ida ne’ebé mak hakruk ba lei sira. Tanba ne’e Estadu tenke haree didiak lei saida mak bele regula sidadaun sira bele sai sivilizadu liu tan.

“Hanesan lei partidu polítiku. Estadu labele halo ema gampanga harii partidu polítiku. O harii partidu o tenke prezente ba Estadu. Estadu tenke harii komisaun de avaliasaun kona-ba partidu. Partidu ne’e idiolojia saida? Partidu ne’e atu lori ema ba ne’ebé? Partidu ne’e nia matenek ema na’in hira? Ne’e responsabilidade Estadu nian. se laiha ida ne’e, ita mate ona tanba partidu pilares ba demokrasia”,dehan jurista Avelino.

Tuir Avelino katak, partidu polítiku tenke sai instrumentu popular ba sidadaun sira, instrumentu dezenvolvimentu ekonómiku no sosial, no instrumentu ba poder.

“Konkore manan, o liu. Agora ita nian lae. O harii partidu por razoens de primordializmu, por razoens de kativasaun do direitu de liberdade sidadaun, por razoens ekonómika. Sidadaun ba lu dependente ba partidu laos tanba fiar iha partidu, fiar katak hau tuir nia hau hetan netik masin-midar oitoan. Se ha’u tuir maun Fernando Gusmão ho maun Avelino Coelho, masin-midar ne’e laiha, ne’e obskurantizmu. Lei partidu polítiku kativa sidadaun ida nia liberdade no nia direitu, bele muda ka labele muda? Bele muda!”, dehan tan Avelino.

Avelino Coelho hatutan, Estadu Timor-Leste nia lalaos ukun seidauk diak, tanba la hakruk ba supremasia lei.

“Ami jerasaun sira uluk jerasaun ida kontra Soeharto, tanba lakohi integrasaun. Ha’u dalaruma ha’u tur hanesan ne’e se ha’u hanoin Estadu ida ne’e atu sai hanesan ne’e, uluk lalika ba lakon tempu para funu kontra Indonézia sira. Ita funu ho pensamentu ida estabelesimentu de uma sosiedade justa, demokrátika, no supremasia da lei, respeita pela konstituisaun. Ha’u fó ezempllu ida rejimentu parlamentu nasional laos dehan labele, bele halo destituisaun ba Prezidente Parlamentu, rejimentu fo dalan que bele, admite artigu 16, maibe artigu 17 ne’e dehan Prezidente Parlamentu Nasional ne’e iha kompetensia para admite no rejeita rekerimentu balu ne’ebé mak deputadu bankada parlamentar sira hatama, no konstituisaun Prezidente Parlamentu Nasional ne’e figura institusional, no segundu orgaun de soberania prinsípi konstitusionais, rejimentu mos hatete Vise Prezidente Parlamentu Nasional so bele prezide sesaun iha Parlamentu kuandu hetan delegasaun de poderes, laiha delegasaun de poderes difisil”,dehan Avelino.

Tanba ne’e Avelino Coelho, hatete, presdente polítiku ida hanesan ne’e aban-bairua bele akontese nafatin iha Estadu ida ne’e. Tanba ne’e, sidadaun sira akadémiku sira tenke iha hanoin kritika atu bele haree sasán sira ne’ebé la’o sala iha nasaun ida ne’e.

Avelino Coelho mos apresia ho Movimentu Patritizmu Konstitusional atu hatuur loloos, atu koalia nafatin kona-ba Estadu de direitu demokrátiku ne’e ba sidadaun sira.san


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker