GMN TV Politika Bainhira atribui naran ba ponte, Governu tenke konsulta ho komunidade sira

Bainhira atribui naran ba ponte, Governu tenke konsulta ho komunidade sira

0 views

Reprezentante povu iha uma fukun Parlamentu Nasionál (PN) husu ba Governu atu konsulta ho komunidade no autoridade lokál sira bainhira hakarak tau naran ba ponte ruma, atu nune’e naran ne’ebé mak atribui naran ba ponte ka estrada ruma bele hapar ho istória no komunidade nia hakarak.

Tanba antes ne’e, komunidade Laleia lamenta ho desizaun Governu hanaran ponte Laleia Nelson Mandela, maibé tuir komunidade nia hakarak tau eroi Laleia-Oan, Dom Martinho da Costa Lopes nia naran.

“Ita hatene iha parte Laleia no Vemasse ema mate barak liga ba tinan 1999 Komandate atuál deputadu PLP, Cornelia Gama “L7” rasik tuur iha ne’e konsege tahan bapa sira. Tanba ne’e, Laleia-Oan sira sujere atu konsulta di-di’ak ho líder nasionál atu identifika martir sira balun hodi konta istória sé la’e difísil atu konta istória, Laleia-Oan rasik mós hatete naran famozu líder internasionál nia naran iha fatin ida, diak liu tau iha kapitál nasaun. Haree to’ok konstrusaun ruma atu nune’e ema estranjeiru ruma mai bele haree direta, tanba ne’e sira sujere Dom Martinho Lopes nia naran“, Deputadu bankada CNRT, Gabriel Soares liu husi ninia intervensaun polítika iha plenária, Kuarta (19-08-2020).

Nia akresenta, maibé ida ne’e hanesan sujestaun de’it, tanba antes ne’e la iha konsultasaun ho komunidade no autoridade lokál, veteranus  no parte relijiozu sira.

Husi sorin seluk, deputadu FRETILIN , David Diaz  Ximenes “Mandati”,  hateten, eroi iha Timor-Leste barak, tanba ne’e Dom  Martinho Lopes  nia naran  merese atu tau iha ponte refere.

“Eroi Timor sira mós barak, tanba saída mak ita tenke tau ida ne’e ba jardin iha Bidau hakerek ona BJ Habiebie, agora ponte foun iha Laleia mós atu tan ba Nelson Mandela, ha’u nia hanoin dom Martinho lopes, Dom Martinho Lopes ne’e líder nasionál no líder Timor ni’an tomak, tanba ne’e nia naran merese no presiza tau iha nível nasionál. Kona-bá ponte Laleia iha Laleia mós ema barak oho iha ne’ebá tanba ne’e presiza atu buka sira-nia naran, iha bapa nia tempu ema barak mate iha Laleia”, tenik Mandati.

Konsellu Ministru (KM) aprova no atribui naran Nelson Mandela  ba ponte foun Laleia, tanba konsidera eis Prezidente Áfrika du Sul ne’e  hanesan konstrutór ba ponte umanidade, mediasaun ba rekonsiliasaun no paz. Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker