GMN TV Politika CNRT: MAE partidariza vaga administradór munisípiu tolu

CNRT: MAE partidariza vaga administradór munisípiu tolu

0 views

Deputada bankada CNRT, Maria Barreto Gorumali, informa, iha informasaun Ministru Administrasaun Estatal (MAE), Miguel Pereira Carvalho, partidariza rekrutamentu ba Administradór munisipiu Baucau, Viqueque ho Lautem ne’ebé loke vaga, tanba atu fó prioridade de’it ba kuadru husi partidu FRETILIN.

Tuir deputada opozisaun ne’e katak, aktu partidarizmu ne’e sei hamate vontade públiku ni’an hodi partisipa iha kompetisaun refere.

“Oras ne’e dau-daun iha munisípiu 3, Baucau,Viqueque ho Lospalos, Ministériu Administrasaun Estatal (MAE) komesa loke ona vaga ba iha Prezidente Autoridade (PA) ho administradór sira munisípiu ne’ebé mak iha parte leste ni’an. Maibé ninia prosesu ne’e mak halai dook husi rekezitu, tanba antes atu loke vaga ne’e, Ministru Estatal ne’e rasik tun ba iha Baucau halo reuniaun ho kuadru polítiku sira husi FRETILIN nini’an, atu hato’o katak sira tenke aplly ba vaga interesante ne’ebé mak loke iha Baucau, Lospalos ho Viqueque ne’e. Iha mós ema balun ne’e ba iha ne’eba obriga atu asina sira-nia karta, tanba sira  nia partidu FRETILIN mak haruka sira atu ba aplly lai iha vaga refere. Tanba ne’e ba ha’u dúvida mak kuandu rona deklarasaun ida ne’e fó konfuzaun ida ba públiku, tanba públiku ne’ebé mak la tama iha partidu ida, preokupa, tanba sira hanoin katak ba iha ne’ebá tau prioridade ba partidu de’it”, kestiona deputada CNRT ne’e iha plenária komisaun permanente semana ne’e.

Iha fatin hanesan, deputada bankada FRETILIN, Gabriela Alves, rejeita katak, Ministru Estatal ba duni iha Baucau, maibé la’o programa partidu periódika partidu ni’an, la’os atu atu koordena kona-bá vaga ne’e.

“Planu periódika partidu FRETILIN ni’an ne’e iha nanis ona molok ministru sira ne’e simu pose, tanba ne’e mak kada ministru envolve hotu iha ekipa sira ne’e. Iha ekipa ne’e envolve ema oi-oin, tékniku, deputadu no membru Governu. Momentu ne’e Ministru Estatal tama duni iha ekipa ami ni’an ne’e, ne’ebé ami la’o duni hamutuk ho nia, maibé buat ne’ebé nia informa, la’ós hanesan ohin deputada sira koalia. Maibé buat ne’ebé ema husu kona-bá administradór munisípiu, la’ós Administradór postu administrativu sira, tanba tuir lei administradór munisípiu iha tiha lai mak ba postu sira, tanba ne’e mak nia esplika de’it kona-bá administradór munisípiu ni’an sei loke rekrutamentu públiku, ida ne’e mak nia (Ministru) koalia bainhira ema husu”, justifika deputada FRETILIN ne’e iha plenária.

Hatán ba asuntu ne’e, reprezentante VIII Governu Konstitusional iha Parlamentu Nasionál, atúal Sekretáriu Estadu Komunikasaun Sosiál (SEKOMS), Mericio Juvinal dos Reis Akara, hateten, Governu sei halo prosesu hotu kona-bá rekrutamentu administradór sira tuir regra no sei la sees husi dalan legal ne’ebé iha. Tanba ne’e, Governante ne’e konsidera informasaun ka preokupasaun deputada opozisaun nian ne’e hanesan boatus de’it. say


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker