COVID-19 nafatin sai pandemia, hodi implika roda ekonómia iha mundu tomak, inklui Timor-Leste, tanba ne’e, Governu presiza iha akordu ho nasaun importadór.
Surtu COVID-19 seidauk lakon iha mundu, hodi fó impaktu ba ekonomia nasaun hotu iha mundu, inklui mós Timor-Leste.
Nune’e Governu tenke iha ona akordu ho nasaun importador, hirak ne’ebé mak durante ne’e halo importasaun foos, inklui nesesidade bázika mai rai-laran.
Atuál deputadu kinta lejislatura husi bankada PD, Mariano Assanami Sabino, hateten, Governu presiza pro ativu, atu halo akordu no konkordansia ho nasaun importador, ne’ebé mak halo importasaun durante ne’e, nune’e bele garante stock ai-han iha situasaun atuál.
Alende, halo akordu ho nasaun importador hirak ne’ebé mak iha, Governu mós presiza diversifika no promove ai-han lokal hirak ne’ebé mak Timor-Oan rasik produz iha rai-laran.
“Governu tenke halo jituji para garantidu ita iha nia stock ai-han, ne’ebé ke labele menus iha osan COVID-19, ita aloka ba ona espesial ba CLN para bele garantia ida ne’e, agora prosesu sei hanesan ne’e ita tenke garantia sei iha situasaun balun ne’ebé iha momentu emerjénsia mais ita iha ona, tenke diversifika ai-han labele dependente de’it ba foos, maibé tenke haree mós ba ai-han sira seluk-seluk hanesan ai-farina, fehuk, lakeru tenke promove ida ne’e, para ita nia kulinariu ne’e uza ona produtu lokal ne’e barak, iha momentu hanesan ne’e loloos iha osan ne’ebé ita aloka ne’e ba uluk lai, liu-liu diversifika ai-han lokal sira ne’ebé mak kuda iha jardin no kantaideiru ne’ebé besik uma, presiza rega ita uma-kain ida ita tenke garantia ai-han naton iha situasaun difísil”, Membru Komisaun D, Parlamentu Nasional, Mariano Asanami Sabino ba GMN Kinta (30/07).
Alende ne’e, eis Ministru Agrikultura no Peska ne’e mós hateten, atu Timor-Leste labele rejistu bei-beik má nutrisaun iha rai-laran, Governu presiza tau importansia ba área peska, nune’e bele fó nutrisaun di’ak ba povu Timor-Leste. Ina
