GMN TV Politika Eis deputadu Asembleia Konstituinte ezije PPN hatúr la-lais meza foun

Eis deputadu Asembleia Konstituinte ezije PPN hatúr la-lais meza foun

0 views

Eis deputadu sira husi primeira lejislatura Asembleia Konstituente ezije ba  Prezidente Parlamentu Nasionál (PPN), Aniceto Guterres, atu hatúr la-lais meza foun, hodi troka meza ne’ebé rahun, tanba meza refere ho nia signifikativu importante tebes ba Estadu Timor-Leste ho asinatura ba Konstituisaun Repúblika Demokrátika (K-RDTL) iha meza ne’e nia leten.

Ho nune’e, eis deputadu Assembleia hirak ne’e mós sujere atu bele hatúr meza refere ho pensamentu Estadu ni’an, la’ós observa de’it parte husi materiál meza ne’e ni’an.

“Labele haree ba meza ne’e hanesan materiál de’it, maibé  haree nia sentidu de Estadu, iha nia filozófia, iha mós nia natureza, iha meza ne’e rasik mak ita harii ita-nia nasaun Repúblika Demokratika Timor-Leste, tanba iha meza ne’e mak membru assembleia sira asina Konstituisaun RDTL iha meza ne’e nia leten, nune’e karik atu hatúr fila-fali tenke hatúr ho pensamentu ne’ebé Estadu no liga mós ba kestaun kultura ni’an”, deklara reprezentante Eis Deputadu Assembleia Konstituinte, Buras Martins, ba jornalista sira, hafoin hasoru malu ho PPN, Aniceto Guterres, iha nia gabinete, Sesta (21/08/2020).

Buras Martins haktuir, sorumutu eis deputadu Assembleia Konstituinte ho PPN ne’e koalia liu kona-bá meza PPN ne’ebé rahun ne’e, oinsa hadia no hatúr hikas meza refere.

“Materia ne’ebé ami ko’alia liga liu ba meza PN ne’ebé rahun no ko’alia mós kona-bá ajenda oinsa atu hadi’ak fali meza, iha informasaun dehan meza di’ak ona no sei hatúr ka inagura iha loron 4, fulan Setembru ne’e.

Nia dehan, iha sorumutu ne’e PPN mós ajenda katak sei konvida membru Assembleia Konstituinte sira atu partisipa iha serimónia hatúr hikas meza ne’ebé sei hala’o iha fulan Setembru, tinan ne’e nia-laran.

Kona-bá vizaun atúál PPN, Aniceto Guterres ni’an atu konstroi edifísiu Parlamentu Nasionál (PN) foun pakote ho rezidénsia ba deputadu ho kompleksu ne’ebé boot, eis deputadu hirak ne’e lakohi fó komentariu, tanba konsidera seidauk iha planu konkretu, maibé foin koalia de’it.

Entretantu, iha fulan Maiu, tinan ne’e, wainhira mosu dezintendimentu entre bankada oposizaun ho bankada Governu, nune’e rezulta meza PPN hetan estragus.

Nune’e mós tuir planu iha loron 4, fulan Setembru, tinan ne’e, sei hala’o serimónia kulturál, hodi hatúr meza foun.

Meza foun refere finaliza ona nia produsaun no entrega tiha ona ba PN pakote ho meza Vise PPN na’in rua ni’an ho kadeira ne’ebé gastu osan USD 4.2 mil no estimasaun ho kustu ba serimónia hatúr meza hamutuk kuaze USD 25 mil. say


Banner

Foto

Notisia Ikus

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...

Ema na’in 10 hatudu prontidaun kandidata-an ba PR

January 16, 2022
[caption id="attachment_58967" align="aligncenter"...

Lere sei deklara ninia kandidatura ba PR iha Ainaro

January 15, 2022
Xefe Estadu Maiór Jenerál F-FDTL, Tenente Jene...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker