GMN TV Politika FRETILIN: Governu tenke kria kompañia estatal jere rekursu minerál

FRETILIN: Governu tenke kria kompañia estatal jere rekursu minerál

0 views

Deputada bankada FRETILIN, Maria Angelica dos Reis, husu Governu atu kria kompañia estatal ida, hodi bele jere rekursu minerál sira ne’ebé iha rai-laran.

“Hafoin ita aprova lei Kódigu Mineiru, tenke halo kedas kompañia estatal ho nia estatutu rasik, nune’e kompañia estatal mak jere, atu labele ema ida rua de’it maka riku, hodi aproveita lei ne’ebé ita aprova ne’e, ha’u nia preokupasaun hanesan ema polítika”, Reprezentante povu iha uma fukun Parlamentu Nasionál (PN), foin la-lais ne’e.

Alende kria kompañia estatal, Maira mós sujere ba Governu tenke hadia lei investimentu rejime fiskál adoneiru ne’ebé preparadu ona, maibé seidauk tama iha PN, hodi haree nia fó impaktu ou la’e, tenke muda planu estratéjiku.

“Realidade hatudu hafoin aprova lei investimentu iha treseira lejislatura ne’ebé falta konsulta iha área roaltis ne’ebé simu reseita doméstika, tanba ne’e kompañia Heineken iha problema, tanba la selu taxa. Tuir loloos ita atu halo lei ba investimentu tenke konsulta barak kompañia Heineken, ita nia ema tenke tama ba laran, hodi kontrola loron ida nia produs hira no nia atu selu taxa hira no faan hira, ida ne’e la akontese, tanba ita nia lei investimentu sei namlele hela, nune’e tenke hadia lei balun. Sé ema estranjeiru no ema ne’ebé mak halo estudu ba ita nia riku-soin iha rai-laran, to’o agora nia seidauk entrega estudu mai ita, ida ne’e perigozu ba kestaun seguransa no polítika”, deputada bankada FRETILIN ne’e.

Ministru Petróleu Rekursu Minerais, Victor da Conceicão Soares, hateten, hafoin aprova projetu lei Kódigu Mineiru, presiza iha kompañia estatal, atu bele garante hodi jere rekursu mineral iha rai-laran.

“Ita tenke iha duni ita nia kompañia estatal atu bele garante, sé ita iha tiha riku-soin ema seluk mak mai explora ita nia destinu hanesan ho nasaun viziñu Indonésia. Riku-soin iha rai-laran tenke garante duni, tanba Timor- Oan barak interese estuda geolójia no petróleu ba área sira ne’ebé estratéjiku, tenke fó duni garantia ba sira nia envolvimentu“, dehan Governante ne’e.

Entretantu Parlamentu Nasionál (PN) aprova projetu lei Kódigu Mineriu ho votus a favor 54 , kontra 0, abstensaun 0, ho total artigu 162, kápitulu 20. Ety


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker