GMN TV Politika FRETILIN-KHUNTO: Sidadaun hotu iha direitu halo asaun kontra LKD

FRETILIN-KHUNTO: Sidadaun hotu iha direitu halo asaun kontra LKD

0 views

Deputadu bankada FRETILIN, José Agostinho Sequeira “Somotxo”, hateten, sidadaun hotu iha direitu halo asaun pasífiku, hodi kontra esbosu Lei Kriminaliza Difamasaun (LKD), maibé tenke separa difamasaun ho liberdade espresaun.

“Ha’u hanoin esbosu LKD labele konfundi ho liberdade espresaun, tanba ne’e mak tenke hatene separa difamasaun ho liberdade espresaun, tanba difamasaun ketak no liberdade espresaun ketak“, Deputadu bankada FRETILIN ne’e ba jornalista sira iha Parlamentu Nasionál (PN), Segunda (3-08-2020).

Reprezentante povu ne’e akresenta mós katak, sosiedade sira labele intende sala uza liberdade espresaun, atu koalia ema nia privasidade, tanba ne’e krime, nune’e sosiedade sira tenke separa difamasaun ho liberdade espresaun.

“Ha’u rona entrevista Bispu Dioseze Baucau ida ne’e mak ema ne’ebé hatene separa difamasaun ho liberdade espresaun, ema hotu iha liberdade no direitu atu halo asaun pasífiku, maibé depende ba seguransa sira, sé seguransa la admite konserteza sira sei la halo asaun pasífiku”, haktuir Somotxo.

Deputadu bankada KHUNTO, António Verdiál defende nafatin katak, konstituisaun garante liberdade espresaun, nune’e tenke nakloke ba sidadaun hotu-hotu.

“Ho liberdade espresaun ita nia lutadór sira luta to’o Timor-Leste alkansa objetivu, sé buat ne’ebé la’o tuir konstituisaun KHUNTO apoiu, sé kontra konstitusaun KHUNTO sei fó hanoin ema hotu servisu ne’e tenke la’o tuir konstituisaun. Maske iha konstituisaun artigu 36 koalia kona-bá direitu ba onra no privasidade, maibé depende ba ida-idak no autoridade halo edukasaun ba povu Timor-Leste, ida ne’e mak importante. Ita haree iha kódigu sivíl klaru, tanba buat ida difama ema ne’e ha’u foti ezemplu hanesan ne’e, buat ne’ebé ha’u hatene ha’u konta ema seluk nia aat ba ema seluk, ida ne’e hanaran difama, kazu ne’e la’ós krime, maibé kazu sivíl. Ema ida sente nia direitu violadu inisiál nia hato’o rekerimentu ba tribunál atu husu kompensasaun ba nia naran di’ak, kódigu sivíl iha tiha ona, iha lei iha tiha ona, tanba saída mak ita tenke halo tan seluk”, tenik Deputadu bankada KHUNTO.

Entretantu iha Kinta, loron 30, fulan Jullu ne’e, Ministru Justisa (MJ), Manuel Cárceres, deklara, esbosu LKD no injúria oras ne’e la’ós ona prioridade Governu nini’an, maibé iha fali ona lei seluk ne’ebé presiza tebes atu reforma.

Maske nune’e, iha Segunda loron 3, fulan Agostu ne’e, Front Mahasiswa Timor-Leste (FMTL) hamutuk ho Asosiasaun Jornalista Timor-Leste (AJTL), hala’o asaun pasífiku iha Muzeu Rezisténsia nia oin, hodi kontra esbosu LKD. ety


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker