GMN TV Politika FRETILIN: Ukun-nain tenke iha responsabilidade, la’os okupa de'it pozisaun

FRETILIN: Ukun-nain tenke iha responsabilidade, la’os okupa de'it pozisaun

0 views

Deputada bankada FRETILIN, Josefa Álvares Pereira Soares, husu ba Partidu Polítiku (ParPol) ne’ebé mak ukun nasaun tenke tau aas interese nasaun nini’an no tenke hatene sira-nia responsabilidade atu governa, duke interese partidaria.

“Ha’u hanoin ida ne’e importante tebes ParPol konkore iha eleisaun nia objetivu atu ba ukun tenke hatene saída mak atu halo no asume responsabilidade saída, responsabilidade atu governa no jere nasaun ho nia riku-soin tomak ho di’ak ba dezenvolvimentu nasaun no benefísiu ba povu ida ne’e. Ita haree realidade hatudu tuir observasaun husi sosiedade no sidadaun sira ParPol kompete interese ba-an rasik”, Deputada bankada FRETILIN ne’e ba jornalista sira iha PN, Segunda (10-08-2020).

Josefa afirma, ParPol  ukun  la’ós  okupa poder de’it, maibé  atu jere nasaun no ba povu, signifika di’ak ba povu nia moris, tanba presiza hadia rekursu umanu atu bele ukun ho sentidu responsabilidade la’ós okupa de’it pozisaun.

“Ita gastu mós deznesesáriu buat ida ne’e, ita hamutuk lori dezenvolvimentu ho di’ak. Realidade la hatudu, ukun-na’in sira presiza iha sentidu Estadu no responsabilidade, sé ida ne’e laiha naran ba ukun, tenke sentidu responsabilidade. Ha’u ukun ba sé? ba ha’u nia-an ka ba ha’u nia povu, sentidu patriotizmu tenke iha, sé ida ne’e la iha difísil”, tenik Deputada bankada FRETILIN ne’e.

Vise Xefe Bankada CNRT, Patrocínio Fernandes, hateten, opiniaun públiku sira ne’e pertinente, maibé sai mós hanesan xamada atensaun ida ba líder polítiku hotu, tanba Timor-Leste iha faze konstrusaun Estadu no Timor-Leste adopta Estadu Direitu Demokrátiku, bainhira atu priense podér polítiku tenke prense rekezitu konstituisionál.

“Haree realidade ita-nia nasaun sei joven no sei iha faze iha aprendijazen  mak barak, maske ita rejista ParPol barak hakarak moris tan, dalaruma ita bele haree atu harii tan ParPol, maibé haree husi parte seluk hanesan aprendijazen ida iha demokrasia, iha ne’e mós parte pozitivu ba ita mós,” dehan Vise Xefe Bankada CNRT ne’e.

Antes ne’e, jurista Avelino Coelho, hateten, Konstituisaun RDTL tinan 2002, konstituisaun ne’ebé liberal no di’ak, maibé polítiku seidauk preparadu iha jogu konkorensia ba podér ne’ebé la hanesan. Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker