GMN TV Politika Governu aprova dekretu lei fó subsídiu ba jornalista

Governu aprova dekretu lei fó subsídiu ba jornalista

0 views

Governu liu husi Konsellu Ministru (KM), aprova projetu dekretu lei, kria subsídiu ba jornalista sira, ne’ebé hala’o aktividade jornalistika iha sala situasaun, durante Estadu Emerjénsia (EE), bazeia ba despaixu husi Ministériu Asuntu Parlamentar no Komunikasaun Sosial (MAPKOMS).

“Projetu Dekretu Lei ne’ebé aprezenta husi MAPKOMS, ne’ebé fó apoiu subsídiu ba jornalista hirak ne’ebé hala’o aktividade, jornalista hamutuk iha sala situasaun, no integra iha Sentru Integradu Jestaun Krize (SIJK), durante vijensia ba EE,” dehan, Ministru Prezidensia Konsellu Ministru, Fidelis Leite Magalhães, iha Palásiu Governu, Kuarta (12/08/2020).

Governante ne’e esplika, subsídiu ne’e bazeia ba EE ne’ebé Prezidente Repúblika (PR) dekreta ho númeru 29/2020, loron 27, fulan Marsu no númeru 32/2020 loron 27, fulan Abril.

Fidelis hatutan, jornalista hirak ne’ebe hala’o aktividade jornalistika bele hetan subsídiu ne’e, maibé importante tebes, tanba sira ne’e inklui iha despaixu ne’ebé MAPKOMS no aprezenta naran refere verifikadu husi SIJK.

“Ne’e atu evita sé hirak ne’ebé mezmu jornalista, maibé la hola parte iha liña frente ne’e sei lá kualifika, maibé kualifika de'it jornalista sira ne’ebé servisu iha liña frente no hetan sertifikasaun husi SIJK,” afirma, Fidelis.

Ministru ne’e hatutan, Governu halo alterasaun ba dekretu lei númeru 17/2020 loron 30, fulan Abríl, hodi atribui suplementu remuneratoriu, ba traballadór administrasaun públika no sira ne’ebé kontaktu direta ho risku hodi hetan COVID-19.

“KM halo alterasaun dahuluk ba Dekretu Lei Númeru 17/2020 loron 30, fulan Abril, kona-ba suplementu remuneratoriu ba traballadór sira administrasaun públika, durante EE no sira ne’ebé kontaktu direta ho risku hodi hetan Covid-19,” tenik Fidelis.

Fidelis subliña liu tan, ne’e KM deside atu Dekretu Lei ne’e atribui ba pesoal hirak ne’ebé hola parte iha SIJK no mós ba sira ne’ebé hala’o Servisu Nasionál Intelejensia (SNI), inklui mós sira ne’ebé servisu iha Task Force Munisipal ni'an.

“SIJK ne’e funsiona iha nivel nasionál Díli, maibé iha munisípiu mós administrador sira, iha ekipa rasik ne’ebé halo jestaun ba krize nivel munisípal, hirak ne’e hotu kualifikadu, bele hetan suplementu remuneratoriu”, dehan, Fidelis. Cin


Banner

Foto

Notisia Ikus

Governu prevee millaun USD 1.5 ba indemnizasaun SUA

October 27, 2021
Ministru Ensinu Superiór Siénsia Kultura (MESS...

Extensaun EE da-19 pasa, PN sujere labele limite movimentu populasaun

October 27, 2021
Parlamentu Nasionál (PN) aprova tan pedidu exte...

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...
1 2 3 656

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker