Primeiru Ministru (PM), Taur Matan Ruak, deklara, to’o oras ne’e Governu seidauk hetan figura foun ida, hodi troka eis Xefe Negosiadór Fronteira Marítima (FM), Kay Rala Xanana Gusmão.
Dezde Kay Rala Xanana Gusmão rezigna-an husi kargu Xefe Negosiadór prinsipal FM iha fulan Jullu, tinan ne’e, Xefe Governu mos dehan ona katak asuntu rezignasaun ne’e taka ona no Governu iha responsabilidade ba prosesu ne’ebé ho tempu naruk atu dada kadoras mai Timor-Leste, maibe to’o oras ne’e Governu seidauk hetan figura foun hodi bele troka líder karismátiku, Kay Rala Xanana Gusmão.
Hatán pergunta jornalista kona-ba iha ona ka lae figura balun troka eis Xefe Negosiadór Fronteira Marítima (FM), Kay Rala Xanana Gusmão? “Por em quanto seidauk”, dehan Taur.
Antes ne’e, Kay Rala Xanana Gusmão aprezenta ona ninia karta rezignasaun ba Governu, iha loron 10, fulan Jullu, hodi husik hela kargu nu’udar Xefe Negosiadór FM, hafoin Governu ezonera Francisco Monteiro, husi kargu Prezidente Konsellu Administrasaun Timor Gap, iha loron 8, fulan Jullu, tinan 2020. Oly
