GMN TV Politika Governu hahú prepara diploma konjunta limita sidadaun sira tama TL

Governu hahú prepara diploma konjunta limita sidadaun sira tama TL

0 views

Ministériu Saúde (MS), Ministériu Negosiu Estranjeiru no Kooperasaun (MNEK), no Ministériu Interior (MI), hahú prepara ona, diploma konjunta, limita sidadaun sira tama mai teritoriu Timor-Leste (TL).

“Durante ne’e ema ne’ebé tama mai TL semana ida iha loron kuarta, besik 100 tamba ne’e, atu halo limitasaun, sei asina uluk diploma konjunta, hafoin los ona no públika, ne’e sei limita ema tama mai TL,” dehan, Ministra Saúde, Odete Maria Belo, iha Palásiu Governu, Segunda (10/08/2020).

Governante ne’e esplika, Primeiru Ministru (PM), hala’o enkontru ho liña Ministerial sira, hodi koalia kona-ba tempu loke kuarentena, sasan importasaun, oinsa atu halo jestaun ba kuarentena sira, no koalia mós kona-ba Ministeru Saúde nia kondisaun no disponibilidade, atu simu ema ne’ebé tama husi pontu entrada sira.

Governante ne’e subliña, PM mós husu, ba MS, MNEK, inklu MI, atu haree kona-ba kazu pozitivu ida ne’ebé akontese foin lalais ne’e, atu mantein ho situasaun agora ou atu estabelese fila fali sala situasaun.

“Tuir ha’u nia hanoin tuir informasaun ne’ebé mak iha, ho teste ne’ebé mak ita halo, bele dehan katak, propagasaun ne’e la akontese iha ita nia rai laran, virus ne’e importa tamba ne’e, atu efisienti no ativu liu tan ita mantein ho situasaun agora, MS kolabora ho MNEK no MI, atu nune’e bele tau matan iha liña fronteira”, tenik, Odete.

Nia haktuir, la presiza ona atu loke fila fali Sentru Integradu Jestaun Krize (SIJK), tamba MS mak sei halo hela servisu, kordena ho MNEK, MI no ekipa husi SIJK prontu atu apoiu MS, hodi elabora protokolu ruma, bazeia ba dekretu lei ne’ebé mak iha.

“Ita iha kuarentena iha Mota-ain, infelismente iha tasi tolu la’os kuarentena maibé izolamentu, ita laiha kazu pozitivu entaun fatin ne’e uza ba kuarentena, tamba ne’e, fatin kuarentena iha Tibar, Suai, Oecusse seidauk iha fatin kuarentena maibé, ho orsamentu COVID-19 nian ita aluga ótel sira hodi, akomoda sidadaun sira ne’ebé tama husi fronteira Oecusse”, haktuir, Odete Maria.

Ministra ne’e informa, fatin kuarentena dadaun ne’e, iha kuartu ida iha kama ba ema nain rua, tamba ne’e, MNEK sei halo kordenasaun ho konsoladu iha kupang, hodi haree kada loron ema nain hira mak tama mai TL, atu nune’e tama mak depende ba MS nia disponibilidade atu simu ema iha fatin kuarentena.

“Sé Ministériu tolu ne’ebé servisu hamutuk ona, ami hanoin iha fatin kuarentena kada kuartu ida ema ida, ho nune’e bele limite ema nia entrada atu nune’e bele depende ba ita nia kondisaun”, afirma, Ministra Saúde ne'e. Cin


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker