GMN TV Politika Governu hahú prepara jornada orsamentu ba tinan 2021

Governu hahú prepara jornada orsamentu ba tinan 2021

0 views

Oitavu Governu Konstituisional, hala’o retiru ba dala 3, hodi rona aprezentasaun preliminar husi Komisaun Rekoperasaun ekonomika (KRE), atu nune’e Governu hahu prepara jornada orsamentu no planu prioridade ba tinan 2021.

“Governu sira hala’o retiru hodi prepara diak liu tan, jornada orsamentu ne’ebé hahú aban (ohin-red), sei diskute no aban (ohin-red), membru Governu sira sei hala’o enkontru iha Ministeriu Finansas (MF), hodi prepara jornada Orsamentu Jeral Estadu (OJE) tinan 2021,” dehan, Ministru Prezidensia Konsellu Ministru (MPKM), Fidelis Leite Magalhães, iha Ministeriu Finasas Aitarak Laran, Segunda (03/08/2020).

Governante ne’e hateten, rekomendasaun preliminar husi komisaun rekoperasaun ekonomika, membru Governu bele tetu no diskute, hodi prepara ba jornada orsamentu ba tinan 2021.

“Ho rekomendasaun preeliminar husi komisaun rekoperasaun ekonomika hato’o, atu membru Governu sira bele tetu, no diskute atu prepara ba jornada orsamentu aban (ohin-red), ne’ebé sei kolia kona-ba prioriadade Governu nian ba iha 2021 no tinan tuir mai,” tenik, Fidelis.

Ministru Fidelis esplika, aban (ohin-red), Komisaun Rekoperasaun ekonomika, sei aprezenta relatoriu final ba membru Governu sira, atu nune’e kada Ministeriu bele konkretiza prioridade ba tinan oin.

“Membru Governu sira mos hahu haree ba implementasaun, ne’ebé mak liña ministerial sira atu implementa, hodi konkretiza prioridade sira ne’ebé aban Komisaun rekoperasaun ekonomika sei aprezenta”, afirma, Ministru Fidelis.

Governante ne’e subliña, hafoin komisaun rekoperasaun ekonomika, aprezenta relatoriu remata, sei aprezenta fila fali ba Konsellu Ministru, no Konsellu Ministru sei halo aprovasaun ba relatoriu no rekomendasaun ne’ebé sira submete. Cin


Banner

Foto

Notisia Ikus

PN Kestiona Ezekusaun OJE MEJD ba Infraestrutura “Zero”

November 30, 2021
Prezidente Komisaun G, ne’ebé trata asuntu Ed...

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker