GMN TV Politika Governu la marka prezensa, CNRT: PN autoriza EE ba dahaat ilegál

Governu la marka prezensa, CNRT: PN autoriza EE ba dahaat ilegál

1 views

Bankada opozisaun CNRT konsidera Prezidente Parlamentu Nasional, Aniceto Guterres ilegalmente admite no hakat liu ona prosedimentu normal no rejimentais bainhira halo prosesu lejislativu espesial ba deklarasaun Estadu Emerjénsia (EE) tanbá Primeiru Ministu, Taur Matan Ruak la marka prezensa iha prosesu votasaun.

“Prezidente Parlamentu Nasional ilegal no inkonstitusional komete tan iregularidade klara no grave hasoru Estadu de Direitu, tanba konsientemente halo manipulasaun ba ajenda plenária extraordináriu, no viola Rejimentu Parlamentu nasional. Bainhira Governu la marka prezensa iha debate no votasaun ba Estadu Emerjénsia, deputadu sira sei la hetan esplikasaun klara ba medidas de implementasaun ne’ebé mak Governu atu foti, oinsá manutensaun ba fasilidades kuarentena no izolamentu, kustu ne’ebé tenke hasai, oinsá atu asegura movimentu tama-sai iha fronteira, aeroporto no porto, no seluk-seluk tán,” dehan Deputadu Bankada CNRT, Gabriel Soares liu husi konferénsia ba imprensa iha Parlamentu Nasional, Kinta (06-08-2020).

Iha debate ne’e, Bankada CNRT husu atu halo ajendamentu ba plenária iha loron Kinta (06/8/2020) ka mais tarde Sexta atu nune’e marka mós prezensa hosi Primeiru-Ministru hodi esplika motivus no medidas adekuadu sira ne’ebé maka Governu tenke halo hodi hasoru Covid-19 iha prosesu implementasaun Estadu Emerjénsia nian. Mosu pro-kontra tanba Prezidente Meja no Bankada Governu nian “obriga” atu halo votasaun sem prezensa no esplikasaun hosi Primeiru-Ministru.

Tanba-ne’e, Bankada CNRT foti pozisaun sai hosi plenária “walk-out”, tanba Meja Prezidente Parlamentu Nasional ilegalmente admite no hakat liu ona prosedimentu normal no rejimentais.

Rejimentu Parlamentu Nasional hateten momoos katak, atu debate no halo deliberasaun no hodi fó autorizasaun Estadu Emerjénsia tenke iha prezensa Primeiru-Ministru nian.

Tuir artigu 119.2 Rejimentu PN hateten, “O debate não pode exceder um dia e nele tem direito a intervir prioritariamente o Primeiro-Ministro, por 60 minutos, e um Deputado por cada bancada parlamentar por 30 minutos cada um”.  Intervensaun Primeiru-Ministru atu esplika rajaun aplikasaun Estadu Emerjénsia, medidas ne’ebé Governu tenke foti atu prevene no kombate propagação pandemia Covid-19.

Tuir artigu 71 forma de votasaun ba kazu Estadu Emerjénsia nia dalan mak halo ho votasaun nominal signifika kada deputados deklara nia-votu verbalmente Maibé votasaun ba autorizasaun Estadu Emerjénsia iha loron 5 fulan ne’e ho votasaun ordinária

Votasaun ne’e hatudu katak desizaun ne’ebé akontese iha plenária viola prosedimentu legais no rejimentais.

“Bankada CNRT komprende didiak situasaun ida-ne’e, sei halo esforsu hotu-hotu atu kontribui ba iha prosesu salva ita-nia rai doben Timor-Leste hosi pandemia Covid-19. Tanba-ne’e maka ami enkoraja Governo de facto atu uza Lei do Sistema de Saúde hodi halo vigilância epidemiológica no sanitária, inklui atu halo vigilância ba mobilidade das pessoas entrangeiros bele uza deit Lei de Migração e Asilo, ita la presiza aplika beibeik Estadu Emerjénsia hodi fó risku ba ita-nia Povu nia moris no estraga liután ita-nia ekonomia rai laran.”dehan deputadu Gabriel Soares.

Hatán ba kestaun ne’e deputada bankada FRETILIN, Josefa Álvares, esplika, votasaun ba Estadu Emerjénsia dahaat la presiza prezensa husi parte Govenru tanbá iha artigu 102 Konstituisaun RDTL fo fatin ba Komisaun Permanente hodi aprova rezolusaun ruma.

“Ida ne’e la presiza dehan katak membru do governu atu mai tanbá karta PR nian mai klaru tiha ona konaba razaun saida atu bele husu situasaun estadu emerjénsia ne’ebé la presiza membru governu mai mos ne’ebá klaru ona, agora se mak lakonkorda iha mos fatin para Prezidente PN konvoka reuniaun para konfirma konaba EE ne’ebé aprovadu ona iha PN ne’e iha lei numeru 3 artigu 26 lina 1 no 2 fo fatin ba ida ne’e,” dehan Josefa Álvares

Deputada mos hatete votasuan nominal la presiza nune’e utiliza deit  artigu 26 lei numeru 3 katak depois de votassaun sei konvoka fali reuniaun iha loron 11 fulan ne’e hodi konfirma fali autorizasaun Estadu Emerjénsia. Ida


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker