GMN TV Politika Governu sei tetu mudansa implementasaun projetu planta LNG iha Kosta Sul

Governu sei tetu mudansa implementasaun projetu planta LNG iha Kosta Sul

0 views

Ministru Petróleu no Minerais, Víctor da Conceição Soares, hatete, Governu sei halo análize ba mudansa iha implementasaun projetu Planta Gas Natural Liquefeito (LNG sigla iha lian ingles) iha kosta sul Timor-Leste nian.

Governante ne’e hatete projetu sira iha tasi mane ne’ebé la’o dadaun, provizoriamente pendente tamba covid-19 no mudansa iha Governu no restruturasaun ba instituisaun autónoma sira. Víctor da Conceição Soares, salienta planu hotu ne’ebé relasiona ho dezenvolvimentu nasional sei enkuadra no sei ajusta ho Ministériu Planu no Ordenamentu, inklui projetu tasi mane.

“Ha’u hanoin ida ne’e mos sai hanesan asuntu ida ne’ebé koalia ho projetu PM imi hotu hatene katak projetu Beasu ne’e, ohin Timor GAP relata katak kuaze 20 milloens mak investe tiha ona iha ne’eba, ba estudu sira iha tasi-laran no rai-leten gasta tiha ona 20 milloens. Tanba ida ne’e maka ho buat sira ne’e hotu tenke halo atualizasaun agora Governu foun Ministériu Planu no Ordenamentu Territóriu tenke haree para halo desizaun nafatin iha Beasu ou muda mai fali Natarbora,  ka muda husi tasi mane mai fali tasi feto ne’e tenke desizaun Governu nian. Portantu ne’e sei prezisa tempu para halo análize kuandu konklui ona estudu sira ne’e”, hatete.

Antes ne’e mosu informasaun ne’ebé maka deklara husi deputadu FRETILIN, Favião Oliveira iha Parlamentu Nasional katak iha posibilidade Planta Gas Natural Liquefeito sei muda ba Natarbora tamba  mosu dezentendimentu entre populasaun Beasu ho Eis Reprezentante espesial Governo Timor-Leste nian ba fronteira marítima no dezenvolvimentu projetu petrolíferu Greater Sunrise, iha Tasi Timor, Kay Rala Xanana Gusmão.

“Maibe  foin lalais, halo nusa tanba dehan iha ne’eba ne’e fatin ne’ebé identifikadu ona, liu tiha fulan hirak uma nakonu tiha no metin hotu ona, entaun maun kala ba haree ba ne’e indemnizasaun ne’e sai tiha fali hanesan ne’e. Uluk buat ne’e rai mamuk agora ema moris nakonu tiha agora ita fo indemnizasaun Estadu gesta tan hira? Entaun nervozu muda tiha husi Beasu mai Natarbora sem koñesimentu husi Governu entaun sira ne’e maka problema”, dehan Ministru Petróleo no Mineral ne’e.Oct


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker