GMN TV Politika Governu tenke lori fila estudante iha estranjeiru

Governu tenke lori fila estudante iha estranjeiru

0 views

Xefe Bankada PD, Antonio da Conceição, hatete, Governu presiza foti medida hodi lori fila estudante hirak ne’ebé dau-daun ne’e iha estranjeiru, tanba COVID-19, hamosu efeitu bo’ot ba kapasidade finanseira no kapasidade ekonomia husi estudante sira.

“Ami hakarak atu hatene se bele karik foti medidas ruma, atu hanoin oinsa, ita tenki mos fo protesaun ba sidadaun sira ne’ebé ke iha hela Indonezia, inrensentemente mos informasaun ne’ebé ha'u hetan mak estudante sira iha Filipina, iha barak tebes mos 68 estudante ne’ebé mak buka hela dalan atu fila, maibe meius laiha, se trabalhador sira ba buka servisu ita sei bele lori, ha'u hanoin estudante ne’ebé mos futuru di'ak rai ida ne’e ni'an, importante tebes atu ita hanoin dala ida hodi lori sira fila", hateten Antonio, liu husi plenaria, Tersa (11/08/2020), iha Uma Fukun Parlamentu Nasionál.

Iha fatin hanesan, deputadu Bankada KHUNTO, Antonio Verdial mos husu ba Governu atu fó atensaun maximu ba estudante hirak ne’ebé Ministeriu Edukasaun Joventude no Desportu, iha kuartu lejislatura haruka ba eskola iha nasaun Cuba no oras ne’e sira remata ona estudu.

“Iha nasaun Cuba, iha ita nia oan sira hamutuk 28 pesoas, ho ninia diskrisaun 25 pesoas gradua iha strata um iha área edukasaun ni'an no iha 3 pesoas iha saúde, na'in 1 gradua iha área espesialidade fisolojia ni'an, no nain 2 iha bioestadistika, ohin iha biban ida ne’e hanesan deputadu ohin simu informasaun klaru no prentinente ha’u atu hatete katak, oan sira ne’e eskola hotu ona, oinsa Governu buka meius iha situasaun pandemia COVID-19 atu lori hikas ita nia oan sira ne’e mai fali iha rai doben Timor ne’e,” tenik, Verdial.

Hatan ba ezijensia ne’e, Ministra Negósiu Estranjeiru no Kooperasaun, Adalziza Magno esplika, bainhira estudante Timor-Oan sira ne’ebé hakarak fila mai Timor presiza haruka pedidu ba embaixada, hodi nune’e bele hatene ema hirak mak atu mai.

“Sé pedidu mai husi estudante sira iha rai liur, favor ida bele haruka mai iha negósiu estrajeiru, sé Governu aprova, depois haree sei pedidu ne’e barak duni karik ita buka solusaun, agora sei iha pedidu barak, ha’u sente dalan di'ak liu hakerek karta ba embaixada ida-idak iha rai-liur, sé barak teb-tebes ami sei akomoda hodi buka dalan, ha’u la hatene sei aluga aviaun premite mas ita sei buka dala oinsa atu akomoda sira,” dehan, Adalziza. Jen


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker