GMN TV Politika Komisaun D husu implementa loloos programa povu kuda Governu sosa

Komisaun D husu implementa loloos programa povu kuda Governu sosa

0 views

Komisaun D Parlamentu Nasional (PN), ne’ebé trata asuntu Ekonomia no Dezenvolvimentu, husu Governu atu implementa loloos programa povu kuda Governu sosa.

Membru Komisaun D, Mariano Assanami Sabino, hateten, polítika Governu kona-ba programa povu kuda Governu sosa, Estadu tenke implementa ho loloos ona, nune’e bele akumula agrikultór sira iha rai-laran, atu osan bele sirkula to’o povu sira liu-liu agrikultór sira.

Assanami esklarese, Governu mós presiza fó subsidiu ba to’os no natar na’in sira ne’ebé prodúz ai-han lokal ho rezultadu ne’ebé pozitivu.

Tuir Assanami, atu hasa’e produsaun rai-laran, Governu tenke tau ona seriedade no labele partidariza ministériu hirak ne’ebé eziste, tenke hakuak ema hotu sai forsa ida de’it, nune’e bele asegura ai-han lokál, inklui bele livre ona husi má nutrisaun.

“Konsentrasaun movimentasaun ba iha agrikula, ema barak komesa la gosta, tanba dalaruma kuda iha produsaun iha ema la sosa, tanba ne’e mak uluk Governu tau dehan povu kuda Governu sosa, polítika ida ne’ebé mak tenke implementa ho loloos katak povu nia funsaun ne’e kuda, kuda ona ema tenke sosa, agora sosa ne’e mak la’os dehan tenke Governu mak sosa bei-beik bele Governu apoiu para kooperativa setór privadu bele tama, mais tenke iha bee para produsaun reguler, se produsaun la reguler halo nusa mak ba sosa, analiza agro komersiu ne’e ita tenke haree katak povu ne’e la’os nia tugas mak atu fó han ba povu seluk ninia tugas ne’e atu liberta husi kiak nia tenke osan ne’e produsaun kuandu sa’e osan tenke tama uma laran para liberta husi kiak”, dehan, Membru Komisaun D, Mariano Asanami Sabino ba GMN iha PN, Kinta (30/07).

Atual Prezidente Partidu Demokratiku ne’e relata, Governu labele fahe poder ba malu de’it no insulta malu bei-beik, tanba Governu la’o hela de’it ho atitude hirak ne’e,  nasaun sei sai fraku iha futuru no sei laiha dezenvolvimentu ba nasaun no ba povu nia moris di’ak. Ina


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker