GMN TV Politika Konsellu Estadu rekomenda PR Lú Olo estende EE ba daha’at

Konsellu Estadu rekomenda PR Lú Olo estende EE ba daha’at

0 views

Chefe Casa Civíl, Francisco de Vasconselhos, hatete, Konsellu Estadu rekomenda ba Prezidente Repúblika (PR), Francisco Guterres Lú Olo, atu bele kontinua estende Estadu Emerjénsia (EE) ba daha’at, nune’e bele halo prevensaun diak liu ba transmisaun COVID-19 iha rai-laran. 

“Hakarak hato’o informasaun ba ita boot sira, Konsellu Estadu foin hotu reuniaun, sira diskute ona proposta husi Governu nian, no Konsellu Estadu fó rekomendasaun ba Prezidente atu haruka ba Parlamentu Nasionál (PN), hodi diskute, atu nune’e bele lori fali mai Prezidente, nune’e Prezidente atu dekreta Estadu Emerjénsia tuir mai”, dehan Francisco Maria de Vasconselhos ba jornalista sira, Segunda (31/08/2020), iha Palásiu Prezidensial, Nicolau Lobato, Bairo Píte, Díli.

Nia esplika, razaun kontinua implementa EE refere, tanba haree katak nasaun viziñu hanesan Indonézia númeru moras COVID-19 ne’e aumenta  nafatin ida hanesan foin dadaun liu ba laiha mudansa, liu-liu ba iha Aeroportu, Portu ho Fronteira mak sai fokus ba diskusaun Konsellu Estadu nian.

“Aban sei haruka ba PN, tanba aban sei iha Konsellu Superior Estadu tan, tanba ida ne’e pedidu husi Governu, deside ne’e iha Parlamentu, Prezidente la deside”, subliña Francisco.

Antes ne’e, iha loron 26, fulan Agostu, tinan ne’e, Governu liu husi Konsellu Ministru, foti desizaun hodi husu ba  Prezidente Repúblika, Francisco Guterres Lú Olo, atu estende tan Estadu Emerjénsia ba daha’at, iha ne’ebé estensaun EE ida ne’e nia natureza, hanesan ho EE ne’ebé dadaun ne’e implementa hela, ne’ebé foka liu ba área fronteira no estensaun EE ida ne’e, atu Governu bele halo atuasaun diak hodi kontra COVID-19. Oly


Banner

Foto

Notisia Ikus

PR Lú Olo fó Indultu ba Prizioneiru 11 no Kondekora Asua’in 52

November 29, 2021
Prezidente Repúblika (PR) Francisco Guterres L...

COVID-19 Loke Timor-oan Nia Neon Hadia Ekonomia Nasaun

November 29, 2021
Prezidente Repúblika (PR), Francisco Guterres L...

Lú Olo “rekoñese” Xanana mak hato’o Planu da Paz ba ONU hakotu konflitu iha TL

November 29, 2021
Prezidente Repúblika (PR), Francisco Guterres L...

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...
1 2 3 666

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker