GMN TV Politika KSDS-KE deside apoia PR dekreta EE

KSDS-KE deside apoia PR dekreta EE

0 views

Asesór Polítiku Palásiu Prezidensial, Gregório Sousa, informa, rezultadu husi reuniaun Konsellu Superior Defeza no Seguransa (KSDS) no mos Konsellu Estadu (KE), apoia Prezidente Repúblika (PR), Francisco Guterres Lú Olo, atu dekreta tan Estadu Emerjénsia (EE) ba dahaat, hodi bele  kontinua halo prevensaun ba COVID-19, ne’ebé sai nafatin ameasa ba nasaun hotu iha mundu inklui Timor-Leste.

“Imi hotu hatene katak, Prezidente Repúblika simu pedidu husi Governu para Estadu Emerjénsia, tuir konstituisaun alinea G artigu 85 katak, Xefe Estadu tenke konvoka Konsellu Estadu no Konsellu Superior de Defeza Seguransa para rona sira-nia opiniaun no tetu di-di'ak para bele dekreta Estadu Emerjénsia”, dehan Asesor Polítiku Palasiu Prezidensial, Gregório Sousa, ba jornalista sira, Kuarta (05/08/2020), iha Palásiu Prezidensial Nicolau Lobato, Bairo Píte, Díli.

Nia esplika, hahú primeiru reuniaun Konsellu Superior Defeza no Seguransa,  ne’ebé PR rona konselleiru sira, sira manifesta sira-nia apoiu ba pedidu Governu nian kona-ba EE.

“Depois hahú Konsellu Estadu, sira mos manifesta sira-nia apoiu ba Prezidente haruka mensajen ba Paralamentu para autoriza hodi deklara EE, maibe durante EE ne’e bele buka dalan para haree solusaun seluk, lei balun hadia para labele repete Estadu  Emerjénsia,  ida ne’e mak rezultadu ohin reuniaun Konsellu rua ne’e nian”, subliña Asesor Polítiku ne’e.

Nia hatutan, Konsellu rua ne’e, manifesta apoiu no dehan katak, COVID-19 ne’e moras ida ne’ebé iha ona Timor, kalamidade públiku ona, entaun tenke mak prevensaun deit, labele halo tan buat ida.

“Buat emerjénsia ne’e tenke lalais ona, se Prezidente deside haruka pedidu refere ba Parlamentu atu hetan autorizasaun, para sira bele konvoka mos sira-nia komisaun permanente, konvoka mos sesaun extraordinária ida para debate asuntu ida ho karakter urjente”, tenik Gregório.

Iha karta ne’ebé mak PR Lú Olo haruka ba Parlamentu Nasionál ne’e husu atu Parlamentu Nasional autoriza deklarasaun EE, tanba pandemia COVID-19 no restrisaun ba sirkulasaun internasional, sirkulasaun no fikasasaun ba rezidensia no rezistensia.

“Situasaun interna la ezije medidas restritiva ne’ebé forte hanesan iha períodu EE rua antes. Ho EE foun ne’e kumpre ba prinsípiu proporsionalidade”, deklara PR Liu husi nia karta ba Parlamentu Nasional. Oly


Banner

Foto

Notisia Ikus

Governu sei dezenvolve Sentru Agríkola Quinta Shalom Farm Hera

September 20, 2021
Primeiru Ministru (PM), Taur Matan Ruak, hatete,...

PN haree Governu book-an “maten liu” antisipa dezastre naturais

September 20, 2021
Parlamentu Nasionál (PN) haree Governu book-an ...

Vizita izolamentu Lahane, PM Taur rekomenda pontu importante tolu

September 20, 2021
Primeiru Ministru (PM), Taur Matan Ruak, hala’...

Konta deit istória, sai dezafiu ba konstrusaun Estadu

September 19, 2021
Sekretáriu Jerál Partidu Uniaun Demokrata Timo...

CNRT seidauk iha kandidatu ba PR

September 19, 2021
Komisaun Polítika Nasionál (KPN) Partidu CNRT,...
1 2 3 641

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker