Ministériu Agrikultura no Peskas (MAP), promete sei hasae produsaun lokál rai laran iha tinan 2021 no 2022.
Expansaun COVID-19 iha mundu tomak inklui Timor-Leste, impede atividade hotu iha Timor-Leste, liu-liu roda ekonómika, tanba ne’e, Governante ne’e promete tinan oin sei tau prioridade ba setór agrikultura, hodi hasa’e produsaun lokal iha Timor-Leste.
“Ba 2021 no 2022 ne’e ami nia prioridade atu hasa’e produsaun li-liu ba kanál irigasaun no seluk tan i ami sei hakbesik-an ba setór privadu sira sese de’it mak iha vontade atu halo ami sei hakbesik para hotu-hotu tenke bo’ok-an atu nune’e mosu fali problema hanesan foin lalais ne’e, ita laiha dúvida kona-ba ita nia hahan li-liu ba ita nia produtu lokal rasik”, Ministru Agrikultura no Peskas, Pedro dos Reis hato’o asuntu ne’e, hafoin halo lansamentu ba seremonia exportasaun kafé, iha Bidau Akadiruhun, Sesta (07/08).
Orsamentu Jeral Estadu (OJE) 2020, ne’ebé mak xumba iha Parlamentu Nasional iha faze jenaralidade, tanba vota kontra husi bankada CNRT, ne’ebé iha momentu ne’eba hola parte mós iha Governu da ualu.
Ho nune’e, Governu liu husi ministériu agrikultura no peskas, la tau programa prioridade ruma ba orsamentu 2020, tanba imposivel atu halo ezekusaun iha tempu fulan rua.
Maske nune’e, Oitavu Governu, ne’ebé lidera husi Xefe Governu, Taur Matan Ruak, sei aprezenta hikas OJE 2020, ba Parlamentu Nasional iha loron 15 fulan setembru tinan ne’e.
Tuir planu orsamentu jeral estadu tinan 2021 ni’an mós, Governu sei aprezenta ba parlamentu nasional iha loron 15 fulan outobru tinan ne’e. Ina
