Ministru Obras Públika (MOP), Salvador Pires informa, MOP iha ba tinan 2021, iha kapital dezenvolvimentu foka liu ba estrada, bee-moos no eletrisidade.
“Ha’u mai introdus ami nia planeamentu investimentu ba tinan 2021, ba Primeiru Ministru, iha kapital dezenvolvimentu iha setór importante tolu iha infraestrutura baziku ba iha bee-moos, eletrisidade no estrada”, dehan, MOP, Salvador Pires, iha Palásiu Governu, Sesta (14/08/2020).
Goverante ne’e subliña, MOP hahú koordena ho Ministériu Planu no Ordenamentu (MPO), Ministériu Transporte no Komunikasaun (MTK), prepara di'ak liu tan planu prioridade hirak ne’e.
“Ami koordena hela ho MPO no mós MTK, akresenta prioridade ba iha 2021. Liga ho estrada liu-liu iha seksaun hirak ne’ebé mak iha, áreas produtivas ho merkadu no prioridade haree ba kuantidade, demografiku iha área refere hodi sai prioridade atu ita bele halo investimentu ba iha tinan 2021”, tenik, Salvador.
Ministru ne’e esplika, planu prioridade hirak ne’e haree ba kuantidade demografiku iha área refere, hodi sai prioridade atu bele halo investimentu ba iha tinan 2021. Cin
