Ministru Obras Públika (MOP), Salvador dos Reis Pires, haktuir, preokupasaun kompañia balun ne’ebé remata ona sira nia servisu, maibé to’o ohin loron Governu seida’uk halo pagamentu, tanba iha projetu balun ne’ebé promovidu laiha baze legál, nune’e difikulta Governu atu halo pagamentu.
“Ha’u hanoin ita boot sira hatene katak, iha projetu balun ne’ebé promovidu sem baze legál, tanba ne’e Governu nia papél ezekuta obra no halo pagamentu tenke iha baze legál no bazeia ba kontratu para iha kontabilidade ne’ebé lejítima atu Governu bele hasai osan hodi selu”, MOP, Salvador dos Pires, iha Palásiu Governu, Sesta (21/08/2020).
Governante ne’e reforsa tan, bainhira Governu atu halo pagamentu, presiza iha baze ruma atu bele deside porsaun orsamentu.
“Ha’u hanoin apenas kontratu ida ne’e, ita presiza haree hamutuk no Governu bele iha baze ruma hodi deside porsaun osan ruma, atu selu terseira parte, sé lae aktu sira ne’ebé Governu halo orsida ilegál,” afirma, Ministru Salvador.
Salvador subliña tan, sé aktu ilegál bele prejudika Ministru Obras Públika, laiha baze legál hodi reembolsa osan ba projetu ida sein kabementu ilegál hanesan kontratu ruma, ida ne’e mak sai preokupasaun. Maibé Governu la taka matan sei haree prosesu hirak ne’e, oinsa rezolve kestaun sira ne’e. Cin
